Հասակակցի կրթություն

Գլօ աղջիկների առաջնորդության դպրոցը ինձ ապագայում կիրառելի շատ բան տվեց: Այդ մեկ շաբաթյա ընթացքում ես դարձա ավելի վստահ իմ ուժերի վրա և ավելի տեղեկացված` ստացա այնպիսի գիտելիքներ, որոնց մասին ես անգամ գաղափար չունեի և ահա այսօր ես իմ ստացած գիտելիքների մի մասն ել փոխանցում եմ իմ գյուղի երեխաներին:

Գենդերային անհավասարություն և  իմ իրավունքներն ու պարտականությունները դպրոցում թեմաներով դասընթացներ էի կազմակերպել դպրոցում: Դասընթացի ժամանակ ինձ շատ օգնեց մեր դպրոցի ջոկատավար ընկեր Մանուկյանը: Քանի որ ես հանդիսանում եմ մեր դպրոցի աշակերտական խորհրդի  իրավունքի նախարարը ուստի ինձ համար թեմայի ընտրությունը բավականին պարզ էր և հասկանալի: Երբ դիմեցի մեր դպրոցի ջոկատավարին, նա շատ ուրաղացավ եվ հավանություն տվեց:  Դասընթացը անցկացվել է դպրոցի 8 դասարանի 32 աշակերտների հետ, որպես դպրոցի ամենաշատ աշակերտ ունեցող դասարան:

Երեխաներին պատմեցի այն ինչ սովորել էի Գլօ-ում, այնուհետև բաժանեցի թղթեր, որպեսզի գրեն, թե ինչ գիտեն այս թեմայի վերաբերյալ: լավագույն 3 գրվածքների հեղինակների անունները կտպվեն Քարակերտ-Որոտ ամսաթերթի մեջ: "Իմ պարտականությունների մեջ են մտնում լինել աշակերտին վայել, սովորել, և լինել օրինակելի աշակերտուհի. ունեմ իրավունք արտահայտելու իմ կարծիքը այն դեպքում որտեղ կա իմ կարծիքը և որտեղ կարելի է արտահայտել իմ կարծիքը",- Ռաիսյան Նանուլ: "Իմ կարծիքով գենդեռային անհավասարությունը շատ լուրջ խնդիր է մեր օրերում, ես մտածում եմ, որ ոչ ամեն ինչում պիտի լինի հավասարություն, ես հուսով եմ որ մի օր մենք վերջ կտանք այս խնդրի քննարկմանը այսինքն այս կգտնի իր լուծումը:", - Հովսեփյան Անդրանիկ:

Ես շատ ուրախ եմ, որ կարողացա իմ գիտելիքները փոխանցել իմ գյուղի երեխաներին:

ԳԼՕ 2012 մասնակից

ì³ñ¹áõÑÇ ÂáíÙ³ëÛ³Ý

 

Առաջնորդության ճամբար Հալիձորում

"Լավ առաջնորդը իր թիմի անդամներին ևս հնարավորություն է տալիս առաջնորդել": Այս խոսքերը ԳԼՕ ամառային դպրոցում ինձ ասաց իմ ջոկատավարը`Քիմը: Շատ յուրահատուկ խոսքեր, որ ես պահում եմ իմ մտքում և սրտում`գիտակցելով դրանց կարևորությունն ու մեծ իմաստը: Համագործակցելով Խաղաղության կորպուսի հետ` 2012 թվականի հոկտեմբերի 22-24-ը Հալիձորի երիտասարդ առաջնորդներ ծրագրի շրջանակներում Հալիձոր համայնքում անցկացվեց առաջնորդության ճամբար: Ծրագրի նպատակն էր նպաստել Հալիձոր համայնքի երիտասարդական կյանքի ակտիվացմանը, խթանել երիտասարդների մասնակցությունը համայնքային կյանքին, ինչպես նաև այս գործընթացին անմիջական մասնակիցը դարձնել դպրոցի աշակերտներին: Կազմակերպվեց ճամբար, որին մասնակցում էին Հալիձորի միջնակարգ դպրոցի 9-11-րդ դասարանների 10 աշակերտ: Ճամբարին մասնակցել ցանկացողները նախապես լրացրել են դիմում-հայտեր, և ընտրությունը կատարվել է ծրագրի կազմակերպիչների կողմից (ինչպես մեր սիրելի ԳԼՕ-ում): Ճամբարի մասնակիցները երեք օրվա ընթացքում ձեռք բերեցին նոր հմտություններ ու գիտելիքներ: Նրանք ձեռք բերեցին գիտելիքներ առաջնորդության, ծրագիր-առաջարկների պլանավորման և իրականացման վերաբերյալ: Հետաքրքիր խաղերն ու առաջնորդության դասընթացները նպաստեցին նաև աշակերտների համագործակցային կարողությունների զարգացմանը: Ստեղծվեց SDS /Song,Dance,Sport/ ակումբը: Դպրոցում ակտիվորեն գործում է աշակերտական խորհուրդ:SDS ակումբի առաջնորդներն աշխատում են ԱԽ-ի հետ`միասին աշխատելով Հալիձորի երիտասարդների ու դպրոցի մյուս աշակերտների հետ: Կազմակերպվում են համայնքային միջոցառումներ և ծրագրեր: Հիմա մեր առաջնորդները ակտիվ են համայնքում և փորձում են ակտիվացնել նաև մյուս համայնքաբնակներին:

"Եկե'ք օրվա մեջ թեկուզ մեկ րոպե տրամադրենք մեր համայնքին.այդ մեկ րոպեն էլ կարող է շատ բան փոխել մեր կյանքում":

Արմինե Գաբրիելյան

ԳԼՕ 2012 մասնակից

Հալիձոր