Ինքնագնահատականի պարզում Վանաձորում

Բարև ձեզ: Ինչպե՞ս եք: Բոլորիդ շատ եմ կարոտել, և հուսով եմ, որ անպայման հանդիպելու ենք: 
Սեմինարի սկզբում ես ներկայացրեցի, թե ինչ է նշանակում արժեք և սեփական արժեքների գնահատական:

Լավ, հիմա անցնեմ բուն թեմային: Նոյեմբերի 6-ին Վանաձորի ծովակալ Իսակովի անվ. թիվ 23 հիմնական դպրոցում ԱԽ նախագահի` այսինքն իմ նախաձեռնությամբ կազմակերպվեց սեմինար` <<Արժեքային համակարգ: Ինքնագնահատական>> թեմայով: Սեմինարի կազմակերպման հարցում իր մեծ ներդրումը ունեցավ ուսուցչական կազմը: Դպրոցի հոգեբան ընկեր Ղեվոնդյանը տրամադրեց թեստեր, որոնց միջոցով պարզեցինք մասնակիցների ինքնագնահատականի չափանիշը: Ի դեպ նշեմ, որ սեմինարին ներկա էին 8(ա) դասարանի աշակերտները, տնօրեն Տաթևիկ Հովսեփյանը, փոխտնօրենները և իհարկե տարբեր առարկաների ուսուցիչներ: Սեմինար- քննարկումը տեղի ունեցավ հասարակագիտության դասի շրջանակներում, դասարանի դասղեկ և հասարակագիտության ուսուցչուհի ընկեր Մկրտչյանի օգնությամբ:

Այնուհետև սկսվեց բուռն քննարկում: Քննարկմանը ակտիվ մասնակցում էին ոչ միային աշակերտները, այլ նաև ներկա ուսուցիչները: Ուսուցիչների նման ազատ և անմիջական շփումը ավելի էր սեմինարը հետաքրքիր և միաժամանակ ուսանելի դարձնում: Սեմինարի մնացած ժամանակը տրվեց թեստերին և թեստերի շուրջ քննարկմանը: Նոր տեղեկություններ հաղորդելը, ինքնագնահատականի բարձրացմանը նպատսելը, խոսքի ազատության սերմանումը և ինքնաճանաչումը իմ սեմինարի հիմնական նպատակներն էին: Կարևորում եմ նշել, որ այս սեմինարի միջոցով ես ավելի լավ սկսեցի ճանաչել ինքս ինձ: Կարծում եմ` իմ կազմակերպած սեմինարներից սա ամենահաջողվածն էր, և սեմինարի հաջողության գրավականը անմիջական, ուրախ, ազատ ուսուցիչ- աշակերտ շփումն եմ համարում:

Մարիամ Բարսեղյան, 13 տարեկան

ք. Վանաձոր, Լոռի

Առաջնորդության բանաձևը Տաթևում

Եվ այսպես շարունակվում են իմ արկածները: Այսօր ես կազմակերպեցի իմ առաջին սեմինարը, որն անցավ շատ հաճելի և ուրախ միջավայրում: Սեմինարը կայացավ դպրոցում, ներկա էին 7-12-րդ դասարանների աղջինկերը, ինչպես նաև դպրոցի ուսուցիչներից: Սեմինարի թեման առաջնորդությունն էր, բայց մինչ այդ ես բոլոր ներկաներին պատմեցի ԳԼՕ-ի մասին, ասացի, թե ինչպես է ստեղծվել ու մուտք գործել Հայաստան: Բոլորն ուշադրությամբ լսում էին և նրանցից շատերն արդեն անհամբեր սպասում են, թե երբ պետք է նրանք հայտնվեն ԳԼՕ-ում: Դրանից հետո սկսեցի խոսել առաջնորդության մասին: Փորձում էի այնպես անել, որ յուրաքանչյուրը հասկանա, որ ամենքն էլ ունեն առաջնորդական հմտություններ ու կարողություններ, որ նրանցից ամեն մեկը կարող է լինել իսկական առաջնորդ: Սեմինարի ժամանակ ես ցուցադրեցի նկարներ առաջնորդության վերաբերյալ ու փորձեցի յուրովի մեկնաբանել դրանք: Կարծում եմ՝ ամեն ինչ ստացվել էր, համենայնդեպս տպավորությունները այդ մասին էին վկայում: Շատ ուրախացա, երբ սեմինարից հետո աղջիկները մոտենում էին, բարի և լավ խոսքեր շռայլում ինձ ու ասում, որ կցանկանան մի օր իրենք էլ կազմակերպել սեմինարներ և ուսուցանել երեխաներին այնպես` ինչպես ես, և նաև իմ հարազատ ուսուցիչները գովասանքի խոսքեր ասեցին ինձ: Թե՛ իմ ուսուցիչների, թե՛ աշակերտների խոսքերը ինձ համար ամեն ինչ էին նշանակում: Ես նրանց խոստացա ավելի շատ սեմինարներ կազմակերպել և իմ խորհուրդներով այնպես անել, որ յուրաքանչյուրը միշտ պայքարի այն ամենի համար, ինչին ցանկանում է հասնել: Հուսով եմ՝ ամեն ինչ ստացվեց: Ամենակարևորն այն է, որ այն արեցի ամբողջ հոգով ու սրտով, քանի որ համոզված էի, որ հոգուց բխած խոսքը հաստատ հոգուն էլ կհասնի: Եվ ես բոլորին խորհուրդ կտամ անկեղծ անել այն, ինչ անում են, որովհետև անկեղծ խոսքը վաղ թե ուշ կգտնի իր արձագանքը:

Անի Հարությունյան

Տաթև, Սյունիք

Վանաձորում կրկին բացահայտում են գենդերն ու թրաֆիքինգը

Բարև ձեզ սիրելի ընկերներ, ձեզ եմ ներկայացնում իմ երկրորդ սեմինարը, որը ևս գենդեր և թրաֆիքինգ թեմաներով էր: Սեմինարին ներկա էին 9-րդ դասարանի աշակերտներ, ինչպես նաև` ուսուցիչներ:Կարևորում եմ նշել այն փաստը, որ թեմաների շուրջ բանավիճում էին ոչ միայն աշակերտները, այլ նաև` ուսուցիչները:

Մասնակիցները բազում նոր գիտելիքներ ստացան, շատերը փոխեցին իրենց աշխարհահայացքները և սկսեցին չվախենալ իրենց կարծիքը արտահայտելուց: Այս եզրակացությանը ես եկա սեմինարից հետո, երբ դասընկերներս ցանկություն հայտնեցին սեմինարը շարունակել դպրոցի բակում: Այստեղ արդեն նկատվում էր, որ ընկերներս ավելի ազատ են խոսում և ավելի շատ են տեղեկացված վերոհիշյալ թեմաներից: Հուսով եմ` հաջորդ սեմինարը, որը պլանավորում եմ իրականացնել 8-րդ դասարանի աշակերտներ հետ, նույնպես կհաջողվի և լավ արդյունքներ կտա: 

Սիրով` Մարիամ Բարսեղյան, 

քաղաք Վանաձոր, թիվ 23 հիմն. դպրոց

Պանասոնիկի լրտեսական աշխատանքը Վանաձորում

1    

 Սիրելի ընկերներ, ձեզ եմ ներկայացնում իմ սեմինարի քննադատին: Բոլորիդ հայտնի են ԳԼՕ-ի լրտեսները, ովքեր մեզ միշտ հետապնդում էին: ԳԼՕ-ից հեռանալու ժամանակ մենք կարծում էինք, որ նրանք վերջապես կդադարեն մեզ հետևալ: Բայց ո՛չ, նրանք այնպես են տարվել լրտեսական աշխատանքով, որ չեն կարողանում ետ կանգնել: Եվ իմ սեմինարին նեկա էր այդ 4 լրտեսներից մեկը՝ Սաթինեն: Լրտեսների միջավայրում նա հայտնի է Պանասոնիկ անունով: Բայց նա հանդես է գալիս իր երկվորյակ քրոջ հետ, ով իմ սեմինարին էր ժամանել հեռավոր Չինաստանից: Իսկ նա հայտնի է Քիսոնիկ անունով:   

   Սեմինար վարելիս նրանք հետևում էին իմ աշխատանքին և հատուկ ձայնագրման սարքերով ձայնագրում էին իմ սխալները, որպեսզի այդ սխալները հանձնեն հատուկ գործակալներին:

Զգույշ եղեք, սիրելի ԳԼՕ-ի աղջիկներ: Կարող է ձեզ հետևում են...