Գրեթե մեկ տարի է անցել այն օրվանից , երբ այցելեցի Արքանե ամառային դպրոց: Հիշում եմ` մինչ գնալը ինչպիսի ոգևորությամբ էի հայտին սպասում և երազում հայտնվել Արքանեում: Արքանեն և այս մի քանի ամիսները ինձ լիովին փոխեցին: Արքանեն ինձ համար հաղթաթուղթ դարձավ, կարևոր ու առանձնահատուկ առավելություն,որն ինձ օգնեց ավելի վստահ ու նպատակասլաց լինել: Արքանեում թե որպես անհատականություն, թե որպես թիմի լիիրավ անդամ, ես նոր ձեռքբերումներ ու հմտություններ սովորեցի: Եվ կարծում եմ, որ յուրաքանչյուր դեռահասի համար սա իրոք մեծ հնարավորություն է կայանալու ու զարգանալու համար: Այս ամիսների ընթացքում կարողացա Արքանեի տված գիտելիքներիս պաշարը օգտագործել: Անչափ կարոտել եմ Արքանեին և այն բոլոր վառ ու լուսավոր կերպարներին, ում ամեն օր տեսնում էի և աշխատում նրանց հետ: Հիմա էլ, անկեղծ, նույն ոգևորությամբ ու խանդավառությամբ եմ սպասում Արքանե 2016-ին և նույնիսկ տխրում եմ, որ հնարավորություն չեմ ունենա որպես մասնակից ևս մեկ անգամ վայելել այդ 7 օրերը: Սակայնմեծ
հույսեր
ունեմ, որ որպես կրտսեր ջոկատավար կկարողանամ մի մասը կազմել այս ծրագրի: Վերջում կուզենամ նշել Արքանեից ստացած իմ ամենասիրելի տողերը «Մենք հավետ պատասխանատու ենք նրանց համար, ոււմ ընտելացրել ենք»:
Անահիտ Հակոբյան
ԱՐՔԱՆԵ 2016 շրջանավարտ
No comments:
Post a Comment