Իմ կյանքի հերոսը

Ստեփանավանի Երիտասարդական Կենտրոնը GLOW ծրագրի շրջանավարտների համար հայտարարել էր շարադրությունների մրցույթ «Իմ կյանքի հերոսը» թեմայով: Աղջիկները հնարավորություն ուներն նկարագրել կանանց, որոնք կարևոր ազդեցություն են ունեցել իրենց կյանքում:  Երեք լավագույն շարադրությունների հեղինակները աջակցություն են ստացել իրենց համայնքներում հասակակցի կրթության կամ համայնքնային ծրագրերի իրականացման համար:

********************************************************************************

Մարդիկ  հաճախ  իրենց  իդեալներին  փնտրում են իրենցից հեռու՝  իրենց համար անհասանելի  մի  աշխարհում։ Սակայն ես կարծում եմ,որ մեր իդեալներին  պետք չէ փնտրել   մեզանից շատ հեռու  երևակայական աշխարհում։ Նրանք էլ մեզ նման մարդիկ են՝իրենց  առավելություններով  ու  թերություններով։Իմ կյանքի հեսոսն էլ այսպիսին է, պարզապես արա  առավելություններն  այնքան  շատ են, որ չնչին  թերություններն  անտեսվում են։

Մեգանը  շատ անմիջական, շփվող,անկեղծ,համարձակ,բարի ու խելացի մարդ է,լավ առաջնորդ,կայացած  անձնավորություն։Նա  շատ լավ մանկավարժ է՝բանիմաց  և  զարգացած։Ինձ հատկապես դուր է գալիս նրա նպատակասլացությունը,համարձակությունը,որով  նա  առանց երկմտելու հաղթահարում է բոլոր դժվարությունները։Ինձ համար նա հիանալի  ընկեր է և իր  յուրահատուկ տեղն ունի իմ սրտոմւ և կյանքում։Նա  շատ տարբեր է մյուսներից,բոլորին ընդունում է այնպիսին,ինչպիսին որ կան,այլ ոչ  թե փորձում է  փոխել մարդկանց,ինչպես ուրիշները, միշտ պատրաստակամ է օգնել դրա կարիքն  ունեցողներին։

Մեգանի հետ շփումը բազմաթիվ  փոփոխություններ մտցրեց իմ  կյանքում։Ես  այժմ ավելի մեծ  պատասխանատվությամբ եմ վերաբերվում  ամեն ինչին և  գնահատում եմ ունեցածս, ունեմ նպատակներ և աշխատում եմ դրանց հասնելու համար։Ես փոխել եմ ապրելակերպս,կյանքս,աշխարհայացքս և դրա համար պարտական եմ նրան։Այժմ շատ հարցերի վերաբերյալ  ընդանրապես այլ կարծիք ունեմ։ Հիմա ինձ համար ամենակարևորն ընտանիքս,ընկերներս, հետագա մասնագիտական կյանքս են,և ես առանձնապես ուշադրություն  չեմ դարձնում  այլոց  կարծիքին։Ես հասկացել եմ,որ կարևորն  արժեքավոր գործով  զբաղվելու հնարավորություն  ստանալն է և դրա համար համարձակություն ունենալը։

Սաթենիկ Քալանթարյան

գյուղ Չորաթան, Տավուշի մարզ, GLOW 2010

Կանանց մասին, որոնք առանձնահատուկ կերպով են ազդել աշխարհի ճակատագրի վրա, կարելի է խոսել անվերջ: Իմ կյանքի հերոսը, նրանցից մեկն է: Աշխարհահռչակ, հմայիչ, գեղեցիկ ու հեղինակավոր դերասանուհի Օդրի Հեփբյորնի անկեղծությունը չի կարող անտարբեր թողնել ոչ ոքի: Դեռ փոքրուց հիացել եմ նրա դերասանական խաղով և գեղեցկությամբ: Նա իրոք զարմանալի կին է: Ամենից շատ նա ինձ հմայում է իր անկեղծությամբ, բարեգութ և հոգատար բնավորությամբ: Չմոռանալով իր ծանր մանկությունը, նա բարեգործությամբ է զբաղվել, եղել է ՅՈՒՆԻՍԵՖ-ի ակտիվ դեսպան է եղել  և մինչև կյանքի վերջն օգնել է կարիքավորներին:

Լիլիթ Հայրապետյան

գյուղ Լեհվազ, Սյունիքի մարզ, GLOW 2011

Արևն իմ ամենաթանկագին ուսուցչուհին է, նաև իմ ընկերուհին, իմ օգնականն ու իմ բարի փերին: Նա հասկանում է բոլորն և ոչ ոքի չի մեղադրում, նույնիսկ եթե նա մեղավոր է: Նա լավ առաջնորդ է, կարողանում է պաշտպանել իր շրջապատի երեխաների իրավունքները: Նա աշխարհի ամենաբարի մարդն է: Շատ խելացի է, նպատակասլավ և հաստատուն քայլերով գնում է դեպի իր նպատակների իրականացումը՝ նույնը սովորեցնելով իր սաներին:

Արևիկը վերափոխեց իմ աշխարհայացքը՝ դարձնելով ինձ ավելի քաջ, ազնիվ, ծնողասեր ու պարկեշտ անձնավորություն: Այն գաղափարը, թե քաղաքի կյանքը ավելի լավն է գյուղի կյանքից և որ մարդիկ պետք է ազատ ապրեն, լիովին վերափոխվեց հակառակ գաղափարի, երբ հայտնվեց Արևիկը: Ես նրանից սովորեցի լինել համեստ, զուսպ, պարտաճանաչ ու ընկերասեր:

Մարդն իրոք երջանիկ է, երբ բոլոր փակ և կիսաբաց դռների միջից ճառագայթում է մի արև, այնտեղից լույս տարածում ու կանչում քեզ՝ փորձելու, հասկանալու ու ճաշակելու նոր հորիզոններ, նոր ակունքներ, որոնք տանում են դեպի պայծառ ապագա:

Սյուզաննա Գալստյան

գյուղ Խոտ, Սյունիքի մարզ, GLOW 2011

²ëáõÙ »Ý` ³ñí»ëïÇ Ù³ñ¹ÇÏ Ñ³ñáõëï Ý»ñ³ß˳ñÑ áõÝ»Ý, µ³ñÇ »Ý, Ý»ñáÕ³ÙÇï, ³ß˳ñÑÇÝ Ý³ÛáõÙ »Ý Çñ»Ýó Ýϳñ³Í Ïï³íÝ»ñÇ ·áõÛÝ»ñáí, ÙÇ ùÇã ¿É Ë»Ýà »Ý: ²Û¹åÇëÇÝ ¿ ÇÙ ÏÛ³ÝùÇ Ñ»ñáëÁ` ³ñí»ëïÇ ¹åñáóÇ ÝϳñãáõÃÛ³Ý áõëáõóãáõÑÇ ÁÝÏ»ñ ¸áíɳÃÛ³ÝÁ: ¸»é Ù³ÝáõÏ ¿Ç, »ñµ ³é³çÇÝ ³Ý·³Ù ï»ë³ Ýñ³Ý ¨ Ùdzݷ³ÙÇó §ëÇñ³Ñ³ñí»óǦ: ²ÛÝ Å³Ù³Ý³Ï Ýñ³ µ³ñÇ ³ãù»ñÁ ·»ñ»óÇÝ ÇÝÓ, ÇëÏ ÑÇÙ³ ѳëï³ï ·Çï»Ù, áñ Ýñ³ ѳñáõëï Ý»ñ³ß˳ñÑÝ »Ù ëÇñ»É: Üñ³ Ñ»ï ß÷í»Éáí` ³ß˳ñÑÇÝ ëÏë»óÇ áõñÇß ³ãù»ñáí ݳۻÉ: Üñ³ ³½¹»óáõÃÛ³Ùµ ÑÇÙ³ ÝϳñáõÙ »Ù ¨ ³Û¹ ÝϳñÇÝ ßáõÝã áõ ϻݹ³ÝáõÃÛáõÝ »Ù ѳÕáñ¹áõÙ: ܳ Ù»Í ¹»ñ ¿ ˳ճó»É Ç٠ϳ۳óÙ³Ý ·áñÍáõÙ` Çñ Ëñ³ïÝ»ñáí, µ³ñÇ ¨ ¹ÛáõÃÇã ѳ۳óùÝ»ñáí ¨ ËáñÑáõñ¹Ý»ñáí: Üñ³ÝÇó »Ù ëáíáñ»É µ³ñáõÃÛáõÝ, ѳٻëïáõÃÛáõÝ ¨ ÙÇ ùÇã ¿É Ë»ÝÃáõÃÛáõÝ:

Արփինե Սուքիասյան
Քաղաք Վայք, Վայոց Ձորի մարզ, GLOW 2010

Յուրաքանչյուրիս կյանքում էլ կան մարդիկ, որոնք ունեն իրենց դերն ու իմաստը, որոնց հետ կապված կան հետաքրքիր,զվարճալի, ինչպես չէ նաև տխուր հիշողություններ: ՈՒզում եմ բոլորից զատել իմ հրաշալի,բարի ու քնքուշ մայրիկին:Արդյոք կա ավելի քնքուշ ու նուրբ էակ,հեզ ու չքնաղ,աննման ու անփոխարինելի կին,քան մայրը: որ յուրաքանչյուրիս կյանքում մայրն ունի իր ուրույն տեղը:

Քրիստինե Փոթինյան

Քաղաք Վանաձոր, Լոռու մարզ, GLOW 2011

Նախ ուզում եմ ասել, որ բոլոր մարդիկ էլ մեկը մյուսի կյանքում մեծ դեր ունեն: Իմ կյանքում մեծ դեր ունեն իմ ուսուցիչները: Նրանք հրաշալի անձիք են, որոնք մեզ դաստիարակում են, գիտելիքներ սովորեցնում և փորձում են ամեն մի հարցում օգնել, որպեսզի մենք լավ մարդ դառնանք և ունենանք վառ և լուսավոր ապագա: Ուսուցիչները ինձ սովորեցրել են ճիշտ որոշումներ կայացնել, լինել նախաձեռնող: Նրանք լիովին փոխել են իմ կյանքը, մտածելակերպը և աշխարհայացքը իրենց խորհուրդներով և հաղորդած գիտելիքներով:

Նվարդ Փանդունց

Գյուղ Խնձորեսկ, Սյունիքի մարզ, GLOW 2010

Սեմինարներ Սյունիքի մարզում՝ ընտանեկան բռնություն և թրաֆիկինգ թեմաներով

Սա իմ կազմակերպած երրորդ դասընթացն էր: Առաջինը կազմակերպել էի GLOW-ից վերադառնալուց հետո` օգոստոս ամսին, ՄԻԱՎ-ՁԻԱՀ թեմայով, երկրորդը դա իմ քրտնաջան աշխատանքի շնորհիվ իրականացված բնապահպանական ծրագիրն էր, հոկտեմբեր ամսին, որի արդյունքները հիանալի էին: Որոշակի դադարից հետո ցանկացա նոր ուժեր հավաքած վերսկսեմ հասակակցի կրթության գործունեությունս, և նախապատրաստվելուց հետո, երբ արդեն ամեն ինչ պատրաստ էր, համացանցից նյութեր էի ձեռք բերել տվյալ թեմաներով, բուկլետներ էի պատրաստել թրաֆիքինգի մասին և GLOW ամառային դպրոցում իմ դիտած տեսաֆիլմերի սկավառակն ինձ ուղարկել էին, ես որոշեցի դասընթացի օրը:

Քանի որ ես այս տարի ընտրվել եմ մեր դպրոցի աշակերտական խորհրդի նախագահ և  համագործակցում եմ ՎՈԼԴ ՎԻԺՆ միջազգային կազմակերպության հետ, որոշեցի հունվար ամսին ընտանեկան բռնություն թեմայով դասընթացն անց կացնել մեր համայնքում գործող ՎՈԼԴ ՎԻԺՆ կազմակերպության գրասենյակում, իսկ թրաֆիքինգ թեմայով դասընթացը կազմակերպեցի մեր դպրոցում: Պատրաստեցի հայտարարություններ 8-12-րդ դասարանների աղջիկներին տեղեկացնելու համար դասընթացների իրականացման օրերի, ժամերի և վայրերի մասին: Քանի որ սա իմ երրորդ փորձն էր այս բնագավառում, և իմ նախորդ դասընթացներից մասնակիցները շատ գոհ էին, ես այս անգամ շատ ավելի վստահ ու համարձակ էի գործում:

Հունվարի 20-ին` ՎՈԼԴ ՎԻԺՆ-ի գրասենյակում հավաքվեցին Խոտի միջնակարգ դպրոցի 8-12-րդ դասարանների 32 աշակերտուհիներ: Դասընթացին ներկա էին նաև մեր դպրոցից 2 ուսուցչուհիներ ու փոխտնօրենը: Դասընթացի սկզբում նախ պատմեցի, թե ինչ ենք անելու, ինչի մասին ենք խոսելու : Պատմեցի ընտանեկան բռնության մասին, դրանցից խուսափելու ճանապարհների մասին: Այնուհետև մասնակիցներին բաժանեցի 4 խմբի և նրանցից յուրաքանչյուրին բաժանեցի պաստառներ ու համապատասխան նյութեր և նրանց հանձնարարեցի պաստառի վրա ներկայացնել ընտանեկան բռնության օրինակներ ու գործողություններով ներկայացնել, թե ինչպես կարելի է կանխել և վերացնել ընտանեկան բռնությունը: Աղջիկների մոտ դա մեծ ոգևորություն առաջացրեց, որն էլ խթանեց նրանց ակտիվ մասնակցությանը և ազատ արտահայտվելուն:

Պաստառները ներկայացնելուց հետո մասնակիցները դիտեցին ֆիլմ ընտանեկան բռնության վերաբերյալ: Այնուհետևքննարկեցին ֆիլմը: Քննարկումն ընթանում էր հարց ու պատասխանի միջոցով և կարծիքների փոխանակմամբ: Մասնակիցները պատասխանեցին այն հարցերին, թե ինչպես կարող են ֆիլմում ներկայացվող ընտանեկան բռնության տուժողները խուսափել դրանից, ում դիմեն խնդիրը լուծելու համար:

Շատ հետաքրքիր, բովանդակալից և ուսուցողական դասընթաց էր, որից հետո մասնակիցները գոհ ու շնորհակալ հեռացան գրասենյակից` հաջորդ օրը թրագիքինգ թեմայով դասընթացին մասնակցելու ակնկալիքով:

Ես, դիմելով մեր դպրոցի տնօրենին, խնդրեցի նրան մեր դպրոցի ամենամեծ դասասենյակներից մեկում տեղադրել մեր դպրոցի հեռուստացույցն ու տեսարկիչը: Նա մեծ սիրով արձագանքեց իմ խնդրանքին: Ես նախօրոք դասընթացի համար հետդասընթացյան և նախադասընթացյան հարցաթերթիկներ էի կազմել: Դրանք դասընթացի սկզբում բաժանեցի մասնակիցներին, որից հետո նախ մասնակիցներին հարցրի, թե ինչ է թրաֆիքինգը, ինչ գիտեն այդ մասին: Կային մասնակիցներ, ովքեր շատ թե քիչ տեղեկացված էին թրաֆիքինգից: Մասնա կիցները նախորդ օրվա սեմինարի մասնակիցներն էին: Հարցաթերթիկները լրացնելուց հետո մասնակիցները դիտեցին թրաֆիքինգի վերաբերյալ ֆիլմը: Ես չափազանց զարմացած էի, մասնակիցները շատ մեծ հետաքրքրությամբ դիտում էին ֆիլմը, և շատերը հուզվել էին ֆիլմի տպավորիչ տեսարանների ժամանակ: Ֆիլմը դիտելուց հետո մասնակիցներին բաժանեցի ֆիլմի վերաբերյալ հետևյալ ուսուցողական հարցերը` ի՞նչ է կանանց թրաֆիքինգը, ի՞նչ կարող եք անել, որպեսզի պաշտպանեք ինքներդ ձեզ թրաֆիքինգից, ի՞նչ եք կարծում ինչու են կանայք դառնում թրաֆիկինգի զոհ: Հարցերը կարդալուց հետո բոլոր մասնակիցները ակտիվորեն քննարկումներ սկսեցին: Այնուհետև ես կրկնեցի ֆիլմի կարևոր դրվագները, որոնք ուսուցողական են, որից հետո մասնակիցներից մի քանիսը կիսվեցին իրենց դիտարկումներով և կարծիքներով: Դասընթացի վերջում մասնակիցները լրացրեցին հետդասընթացյան հարցաթերթիկները, իսկ այնուհետև ես նրանց բաժանեցի թրաֆիքինգի վերաբերյալ իմ ձեռքբերած նյութերը, և դրանով ավարտեցինք դասընթացը: Մասնակիցները շատ գոհ էին և ցանկություն հայտնեցին կրկին մեծ սիրով մասնակցել առաջիկայում կազմակերպվող դասընթացներին: Նախադասընթացյան և հետդասընթացյան հարցաթերթիկները համեմատելով` ես տեսա, որ մասնակիցների պատասխանները մեծ չափով փոխվել էին, այսինքն` մասնակիցների գիտելիքների չափը կտրուկ ավելացել էին, ինչն ամենակարևորն էր դասընթացի ժամանակ:

Դասընթացներին նախապատրաստվելիս ինձ օգնել են նաև իմ դասընկերները` համացանցով աշխատելու, հայտարարությունները տարածելու, բուկլետները բազմացնելու և այլ աշխատանքներում: Իմ շնորհակալությունն եմ հայտնում նրանց:  

Հարցազրույց դասընթացի մասնակիցներից մի քանիսի հետ՝

Դասընթացավար՝ Պատմեք, թե ինչ դասընթացների եք մասնակցել:

Լիլիթ Գևորգյան՝ Ես հունվարի 20-ին մասնակցել եմ ընտանեկան բռնություն թեմայով դասընթացին, որն ինձ շատ հետաքրքրեց, ես շատ գիտելիքներ ստացա, իմացա թե ինչպես կարող եմ խուսափել նման դեպքերից, և այս ամենից ոգևորված հաջորդ օրը` հունվարի 21-ին մեծ հաճույքով մասնակցեցի թրաֆիքինգ թեմայով սեմինարին, որն էլ ավելի հետաքրքիր ու ուսուցողական էր:

Դասընթացավար ՝ Լիլիթ, պատմեք, թե ինչպես էր կազմակերպված դասընթացը, ինչ մեթոդներ էին օգտագործվում:

Լիլիթ Գևորգյան՝ Ինձ համար կարևորն այն էր, որ դասընթացավարն անընդհատ փորձում էր տվյալ թեմաների շուրջ մեզ հնարավորինս շատ գիտելիքներ մատուցել: Շատ հմտորեն ու դյուրըմբռնելի ներկայացնում էր նյութը, և այն մատուցում տարբեր մեթոդներով` հարց ու պատասխանով, խմբային աշխատանքներով: Ֆիլմը դիտելիս զարմանալիորեն բոլորը կլանված դիտում էին, իսկ այն քննարկելու ժամանակ չկար մեկը ով կարծիք չարտահայտեր թեմայի շուրջ, բոլորս էլ շատ ակտին էինք:

Դասընթացավար ՝Թամարա, մի քանի խոսքով պատմեք դասընթացների մասին, որոնց դուք մասնակցել եք:

Թամարա Հովսեփյան՝ Դասընթացները շատ հետաքրքիր էին: Կարող եմ ասել, որ իմ գիտելիքները թրաֆիքինգի և ընտանեկան բռնության մասին կտրուկ ավելացել են: Շատ ուրախ եմ, որ նման ուսուցողական դասընթացներ են կազմակերպվում: Շատ հաճելի է. երբ մեր հասակակիցները մեզ համար ինչ որ բան են կազմակերպում ու փորձում են իրենց գիտելիքները փոխանցել նաև մեզ:

Դասընթացավար ՝ Եթե նմանատիպ դասընթացներ կրկին կազմակերպվեն, կմասնակցե՞ք:

Թամարա Հովսեփյան՝ Իհարկե կմասնակցեմ, շատ մեծ հաճույքով: Մեր հասակակիցների շրջանում նման թեմաների մասին իրազեկված լինելը շատ կարևոր է: Մենք պետք է իմանանք, թե ինչպես պաշտպանվենք ներկա ժամանակների վտանգավոր իրավիճակներից: Սյուզաննան մեզ պատմել է, որ ամառային դպրոցում է ձեռք բերել այդ կարևոր գիտելիքները, և մենք ցանկություն ենք հայտնել այս տարի անպայման ամառային դպրոցի մասնակցի դիմումը լրացնել և հնարավորության դեպքում հաճույքով մասնակցել ամառային դպրոցին:

Սյուզաննա Գալստյան

Գյուղ Խոտ, Սյունիքի մարզ
GLOW 2011