Ողջու՜յն, իմ շատ սիրելի Արքանե: Տպավորված 7-օրյա հանգստով և ստացած գիտելիքներով՝ ամեն վայրկյան ցանկանում եմ իմ փորձով կիսվել: Եվ ահա ամռան ընթացքում ֆրանսերենի դասընթացների հաճախելը առիթ հանդիսացավ Արքանե-ում ստացած գիտելիքներս հասակակիցներիս փոխանցելու համար: Փորձեցի հասակակիցներիս ներկայացնել Արքանե-ում խաղացած խաղերը և դրանց խորիմաստությունը: Դասընթացը ես՝ Մարիամ Եղոյանս, անցկացրի Գավառի Ավ. Իսահակյանի անվան թիվ 4 հիմնական դպրոցում: Խաղերին մասնակցեցին 6-8 աշակերտներ: Խաղերից հետո ծավալվեց քննարկում, որի ժամանակ աշակերտները հայտնեցին իրենց տպավորությունները: Յուրաքանչյուրը յուրովի ներկայացրեց իր կարծիքը: Աշակերտները հասկացան յուրաքանչյուր խաղի հիմնական նպատակը: Խաղերից հետո բոլորը կիսվում էին իրենց դրական տպավորություններով և նույնիսկ հաջորդ օրերին առաջարկում, որ նմանատիպ խաղեր կազմակերպեմ: Իհարկե ես նրանց տեղեկացրի, որ այդ ամենը ինձ տվել է Արքանե Աղջիկների Առաջնորդության և Զարգացման Ծրագիրը:
Մարիամ Եղոյան
No comments:
Post a Comment