Սեմինար թրաֆիկինգի մասին Մալիշկա գյուղում

Ես ԳԼՕ ամառային դպրոցից վերադարձա շատ գիտելիքներով և որոշեցի սեմինարներ կազմակերպել իմ հասակակիցների համար` փոխանցելով այն գիտելիքները, որ ստացել էի ամառային դպրոցի ժամանակ: Սեմինարը կազմակերպեցի Մալիշկա գյուղի թիվ 2 դպրոցում: Մեր դպրոցն ունի 195  աշակերտներ: Սեմինարին մասնակցեցին 7-12-րդ դասարանների աշակերտները: Թեման թրաֆիկինգն էր: Մասնակիցների համար սա նոր թեմա էր և շատերը չգիտեին, թե ինչ է թրագիկինգը: Սեմինարի ժամանակ պատմեցի, թե ինչ է թրաֆիկինգը, թրաֆիկինգի տեսակների և ձևերի մասին, թրաֆիկինգի ենթարկվող խոցելի խմբերի մասին: Նկարագրեցի, թե երբ է այն Հայաստանում հայտ եկել, որպես երևույթ և երբ է իշխանությունների ուշադրությանն արժանացել: Սեմինարից վերջում հարցերով ամփոփեցինք և գնահատեցինք սեմինարը:

Անի Գիվարգիզյան

Գյուղ Մալիշկա

15 տարեկան

ԳԼՕ 2011թ. մասնակից

Հոդված իմ անցկացրած սեմինարի մասին - Հայարփի Ղազարյան

Ես Հայարփին եմ` 2012 GLOW ամառային դպրոցի մասնակիցներից մեկը: Մեկը այն երջանիկներից, ովքեր բախտի բերմամբ, թե պատահմամբ համախբվել էին մի անիրական թվացող աշխարհում: Եվ ահա ամիսներ անց այն գիտելիքները, որոնք ստացել եմ  GLOW-ում, փորձում եմ մատչելի ձևով  փոխանցել իմ հասակակիցներին: Մինչ դասերի սկսվելը ես մտքում արդեն պլանավորում էի, թե ինչպես եմ անցկացնելու սեմինարը: Ուզում էի որքան հնարավոր է շուտ  փոխանցել,պատմել այդ ամենը իմ հասակակիցներին: Առաջին սեմինարի թեման էր թրաֆիկինգը: Ես ընտրեցի այդ թեման, որովհետև իմ կարծիքով այն առաջնային խնդիր է հատկապես աղջիկների համար: Չ՞է որ հենց ապատեղեկատվության պատճառով են մարդիկ դառնում սպիտակ ստրկության զոհ:                                                  

Սեմինարը անցկացվել է իմ դպրոցում, մասնակցել են 10-12-րդ դասարանի աշակերտուհիներ (մոտ 25 հոգի): Կազմակերպչական հարցերով ինձ աջակցել են մեր դպրոցի ինֆորմատիկայի ուսուցչուհին և ուսմասվար-կազմակերպիչը: Առանց նրանց օգնության դժվար թե ամեն բան հաջողությամբ պսակվեր: Սեմինարի ընթացքում համոզվեցի,որ աղջիկները այնքան էլ անտեղյակ չեն  այդ երևույթից: Ուղղակի մանրամասն բացատրվեց տրաֆիկինգի ինչ լինելը: Սկզբում ես ներկայացրի տրաֆիկինգի պատմությունը, տվեցի դրա ստույգ բացատրությունը: Հետո քննարկեցինք իմ ներկայացրած նյութը, ինչից հետո էլ աղջիկներին բաժանեցի 2 կանանց պատմություն, որոնք տրաֆիկինգի զոհ էին դարձել: Ներկայացվեցին այդ 2 պատմությունները, ես արեցի կոնկրետ հարցադրում, ու սկսվեց բուռն քննարկում աղջիկների միջև: Բոլորը մասնակցեցին, միայն թե ժամանակն էր սուղ: Այդ ամենից հետո մենք դիտեցինք ֆիլմ թրաֆիկինգի մասին,որը դիտել են նաև ամբողջական դասարաններով ինֆորմատիկայի ժամին: Սեմինարից հետո մասնակիցներին հարցրի, թե արդյոք նյութը ուսուցողական էր իրենց համար: Պատասխանն էր`միանշանակ այո: Մասնակիցները իրենց համադասարանցիներին պատմել էին այն,ինչ լսել էին սմեինարի ընթացքում: Բանավիճել էին և իրենց դասարաններում:                                                     

Ուրախ եմ, որ սեմինարը ծառայեց իր նպատակին: Ես դա արեցի մեծ հաճույքով, և դա կլինի շարունակական:

Հայարփի Ղազարյան

Ք. Երևան

ԳԼՕ 2012 մասնակից

 

Տպավորություններ ԳԼՕ 2012 ամառային դպրոցից

Հասակակգի կրթություն
Մենք ՝ GLOW 2012 -ի աղջիկներս, շատ ենք կարևորում մեր հասակակիցների կրթությունը: Չէ՞ որ մենք այն տարիքում ենք, երբ պետք է շփվել հասակակիցների հետ և փոխանակել մեր գիտելիքները: Նպատակահարմար է, որ մեր դիմացինի հետ շփվելիս ստանանք նոր տեղեկություններ աշխարհի ու կյանքի մասին, նոր գաղափարներ ձեռք բերենք և դրանք կիրառենք կյանքում: Չէ՞ որ մենք ենք երկրի ապագա կերտողները և մեր բանիմացությունը կարող ենք օգտագործել մեր երկրի զարգացման և բարեփոխման գործում:
GLOW 2012 ամառային դպրոցը օգնեց մեզ նոր գիտելիքներ ստանալ աշխարհի, երկրների մշակույթների և այ թեմաների վերաբերյալ: Այն մեզ դարձրեց առավել հասուն, հաստատուն մեր գաղափարների մեջ, ինքնուրույն:  Վերադառնալով մեր համայնքներ՝ մենք կշարունակենք պրոպագանդել ամառային դպրոցում ստացած գիտելիքները, և դրանց մասին տեղեկացնել մեր հասակակիցներին:

Սեռական դաստիարակություն
Ամեն մի ծրագիր ու դաստիարակչական աշխատանք յուրովի հետաքրքիր էր ԳԼՕ ամառային դպրոցում: Ճամբարի չորրորդ օրը դահլիճում հավաքված աղջիկները անհամբեր սպասում էին բժշկուհի Նինային: Թեման սեռական դաստիարակությունն էր, որը մեր հասարակության տաբու թեմաներից մեկն է: Սեմինարն ընթացավ անմիջական և ազատ մթնոլորտում: Սկզբում բժշկուհին խոսեց և ներկայացրեց կնոջ սեռական համակարգը: Այնուհետև աղջիկները հնարավորություն ունեցան պատասխաններ ստանալ իրենց հետաքրքրող բոլոր հարցերի` հարցերի արկղիկի միջոցով: Հարց ու պատասխանն այնքան հետաքրքիր էր, որ սեմինարն ավելի երկար տևեց, քանի նախատեսված էր: Շատերի համար այս սեմինարը ոչ միայն իրենց հուզեղ հարցերի պատասխաններ գտնելու, նաև թեմայի շուրջ իրենց ամաջկոտությունն ու բարդույթը հաղթահարելու մի հնարավորություն էր:

Գայանե Տոնոյան

15 տարեկան

Մասնակցելով ԳԼՕ ամառային դպրոցին ձեռք բերեցի նոր գիտելիքներ, հմտություններ և նոր ընկերներ: Ինձ ծրագրի բոլոր թեմաները դուր եկան, բայց ինձ համար առավել կարևոր էին ինքնաճանաչում և առաջնորդություն թեմաները:

Ինքնաճանաչում թեման արծարծեցինք ամառային դպրոցի առաջին օրվա ընթացքում: Այս թեման ինձ համար այնքանով էր կարևոր, որ ես սկսեցի ինքս ինձ ճանաչել և գիտակցել, թե իմ ինքնագնահատականը ինչ հարթության վրա է գտնվում: Առաջնորդություն թեմային ուղղված դասընթացի ժամանակ քննարկեցինք միջանձնային կոնֆլիկտները:

Այս ծրագիրը իր հետքն է թողելու իմ բնավորության կայացման հարցում: ԳԼՕ-ից հետո ժամանակ կունենամ վերլուծել,մարսել ստացված գիտելիքներն ու փորձառնությունը և կարծում եմ շատ բան կփոխվի իմ մեջ և իմ կյանքում: Ես անչափ ուրախ եմ, որ հնարավորություն ունեցա մասնակցելու ԳԼՕ ամառային դպրոցին:

Սոնա Խաչատրյան

15 տարեկան

ԳԼՕ ամառային դպրոցը փորձություն էր ինձ համար: Այստեղ ես և ևս 40 աղջիկներ եկել էին վեց օրեր անց կացնելու` մեր ընտանիքից, մեր շրջապատից հեռու:

ԳԼՕ ամառային դպրոցում ես ստացա նորանոր գիտելիքներ թրաֆիկինգի, գենդերի, ՄԻԱՎ/ՁԻԱՀ-ի և այլ թեմաների շուրջ:

ԳԼՕ ամառային դպրոցում բոլորը հրաշալի մարդիկ են` տարբեր բնավորություն գծերով: Այս ճամբարից հեռանալու ենք շատ գիտելիքներ և ընկերներ  ձեռք բերած: ԳԼՕ-ն կարծես երազ էր բոլորիս համար, որ մեր կամավորների ու ջոկատավարների հետ միասին մենք դարձրեցինք իրականություն: Բոլորս կկարոտենք մեր ճամբարը:

Անուշ Սարգսյան

15 տարեկան

Վեց անմոռանալի օրեր, վեց կարևոր թեմաներ: Ավարտվեց ԳԼՕ ամառային դպրոցը Ստեփանավանում, սակայն ոչ մեր կյանքում: Հետաքրքիր ճամբարային առօրյան, որ մեզ տվեց ինքնաճանաչման, նոր հմտությունների ձեռք բերման մեծ հնարավորություն:

Մարդիկ գտնում են այն ինչ իսկապես փնտրում են: Անհնարին ոչինչ չկա:

Արմինե Գաբրելյան

Գյուղ Հալիձոր, Սյունիքի մարզ

17 տարեկան

Իմանալով իմ մասնացության մասին ԳԼՕ ամառային դպրոցում 2012 թվականյին` անչափ ուրախացա, կարծես ամբողջ աշխարհն իմ ոտքերի տակ լիներ: Առաջին անգամ էի այցելու Լոռին: Ճանապարհին հիանում էի գեղասքանչ բնությամբ: Այսօր իմ նախավերջին օրն է ամառային դպրոցում և ես ափսոսում եմ, որ ամեն ինչ այսքան շուտ իր ավարտին մոտեցավ: Պիտի խոստովանեմ, որ առաջին օրը դժվարությամբ էի հարմարվում, չնայած այն հոգատարությանը. ժպիտներին ու բարությանը, որ զգում էի կազմակերպիչների, ջոկատավարների, կրտսեր ջոկատավարների և մասնակիցների կողմից:

Մենք այս հինգ օրերի ընթացքում խոսեցինք տարբեր թեմաների մասին` արժեքային համակարգի, ինքնաճանաչման, նկատակների պլանավորման և իրագործման, հասակակցի կրթության, սեռական դաստիարակության և այլ նմանատիպ կրթող, դաստիարակող թեմաների մասին: Այդ թեմաները ինձ և համոզված եմ, նաև իմ բոլոր հասակակիցներին տվեց շատ-շատ գիտելիքներ: Բազում խաղերի և առաջադրանքների միջոցով ամրապնդում էինք մեր քննարկած թեմաները: Մասնավորապես կիրառում էինք թիմային աշխատանքին վերաբերող խաղեր, որպեսզի կարողանանք սովորել, հասկանալ, հանդուրժել ու հարգել միմյանց:                                                            

Անահիտ Գասպարյան

ԳԼՕ 2012թ. մասնակից

Բարև սիրելի ընթերցող, Ես Անահիտ  Օհանյանն եմ և 2012թվականին մասնակցել եմ ԳԼՕ ամառային դպրոցին: Ընկերներս նախորդ տարվա ընթացքում մասնակցել էին ԳԼՕ ծրագրին և նրանց տպավորվածությունը ու հիացմունքը ավելացրեցին իմ ցանկությունը մասնակցել ԳԼՕ-ին: Վեցօրյա ամառային դպրոցը ինձ շատ բաներ տվեց` գիտելիքներ, հմտություններ և ամենակարևորը ձգտումներ ու շատ ընկերներ:  Առաջին անգամ եմ Ստեփանավանում: Այնքան գեղեցիկ է բնությունն այստեղ` կանաչապատ լեռներ ու մաքուր օդ:                                                                                                          

Անահիտ Օհանյան

ԳԼՕ 2012թ. մասնակից

Ողջույն: Ես Անուշ Պետրոսյանն եմ, քաղաք Դիլիջանից: Ես շատ ուրախ եմ, քանի որ այս տարի ինձ բախտ է վիճարկվել դառնալու ԳԼՕ 2012 թվականի "պատվավոր" մասնակիցներից մեկը: Այսօր հինգերորդ օրն է ԳԼՕ-ում և այն գրեթե ավարտվում է, ավաղ վաղը պիտի տուն վերադառնամ: Տխուր եմ, քանզի հարազատ է դարձել ճամբարն ինձ համար: Այստեղ հանդիպեցի մարդկանց, որոնք կիսում են իմ տեսակետներին, ունեն նման մտածելակերպ, ինչպես նաև մարդկային արժեքներ, որոնք ինձ համար ամենակարևորն են:

Այստեղ օրերս անցան շատ հագեցած և հետաքրքիր, ուսումնասիրեցինք բազմաթիվ թեմաներ, որոնք հետաքրքիր են և շատ կարևոր: Շատ տպավորված էի ու սարսափով էի դիտում գենդերային խնդիրները արտացոլող ֆիլմը, որտեղ նկարագրված կնոջ կյանքը դժողքի էր նման: Իմ կարծիքով, ամեն ինչ պիտի արվի, որպեսզի Հայաստանի բոլոր քաղաքներում ու գյուղերում վերանան բոլոր կարծրատիպերը կնոջ և տղամարդու դերերի մասին:                                                                                                 

Անուշ Պետրոսյան

ԳԼՕ 2012թ. մասնակից

Փոքր քայլերով դեպի ճանաչում

Լսելով ԳԼՕ ամառային դպրոցի մասին, մեծ ցանկություն առաջացավ մասնակցել: Անմիջապես լրացրեցի հայտը և ուղարկեցի: Սրտի մեծ թրթիռով սպասում էի հունիս ամսվա սկզբին, երբ ընտրված մասնակիցներին հայտնի պիտի դառնային:

Վերջապես եկավ սպասված օրը և տեղեկացա, որ ընտրվել եմ: Չեմ կարող բառերով նկարագրել իմ և իմ ընտանիքի անդամների ոգևորվածությունը: Անմիջապես հաստատեցի իմ մասնակցությունը և սկսեցի մեծ ոգորվածությամբ սպասել հունիսի 16-ին: Եկավ այդ օրը: Առաջին իսկ օրվանից զգացի ջոկատավարների և կազմակերպիչների ուշադրությունը և հոգատարությունը: Օր օրի դպրոցը դարձավ շատ հարազատ և ասես այն դարձավ մեծ աշխարհի իմ փոքրիկ անկյունը: Այստեղ ես ծանոթացա տարբեր մարդկանց հետ, ձեռք բերեցի նոր ընկերներ, ընդլայնեցի իմ մտահորիզոնը, իմ մեջ հայտնաբերեցի նոր հատկանիշներ, զարգացրեցի իմ առաջնորդության հմտությունները, ծանոթացա տարբեր երկրների մշակույթներին:

Այդ վեց օրերն անցան չափազանց հագեցած և հետաքրքիր: Կարծում եմ, որ ամբողջ կյանքում պիտի հիշեմ ինձ այսքան հարազատ ԳԼՕ-ն:

                                                                       * * * * * * * *

ԳԼՕ ամառային դպրոցում հայտնվելը ինձ համար մի նոր ձեռքբերում էր: Այստեղ ես ստացա նոր գիտելիքներ և պատրաստվում եմ իմ համայնքում սեմրնարներ կազմակերպել թրաֆիկինգի, ՄԻԱՎ/ՁԻԱՀ թեմաների շուրջ, որպեսզի գիտելիքներս փոխանցեմ տարեկիցներիս ու ընկերներս, որոնք ԳԼՕ ամառային դպրոցին մասնակցելու հնարավորություն չեն ունեցել:

Ամառային դպրոցում մենք հրաշալի ժամանակ ենք անց կացնում: Մենք այցելեցինք Գյուլագարակի բուսաբանական այգի: Այգում ամեն մի ծառ, թուփ, ծաղիկ իր պատմությունն ունի: Այստեղ մենք ծանոթացանք այգու ստեղծման պատմությանը և հիմնադիր Լեոնովիչի կենսագրությանը:

Այսօր մեր ամառային դպրոցի վերջին երեկոն է և մենք պատրաստվում ենք մեծ ավարտական խնջույքի:

ԳԼՕ ամառային դպրոցից կհեռանամ շատ գիտելիքներ ստացած, կկարոտեմ իմ ընկերներին, ում հետ ծանոթացա և մտերմացա այստեղ, կկարոտեմ իմ խմբի երեխաներին և ջոկատավարներին` Գայանեին ու Քիմին:

ԳԼՕ ամառային դպրոցը իմ կյանքի հեքիաթն էր:   



ԳԼՕ ծրագրի դերը իմ կյանքում

Ողջույն: Ես Սիլվան եմ: Ապրում եմ Սպիտակ քաղաքում:

 

2011թ. ինձ բախտ վիճակվեց մասնակցել GLOW աղջիկների առաջնորդության ու զարգացման ծրագրին: Սկզբում պատկերացում չունեի, թե ինչպես կանցնի ամառային դպրոցը: Սակայն, երբ վերադարձա GLOW-ից հասկացա, որ փոխվել եմ, այն էլ շատ: Փոխվել էր կարծիքս շրջապատիս երևույթների, հայրենիքիս ու աշխարհի նկատմամբ: Ես դարձա ավելի ազատ, ինքնավստահ ու հիմա կարողանում եմ ճիշտ գնահատել ինքս ինձ: GLOW-ն դարձավ կյանքիս ու հիշողություններիս մի մասնիկը: Ես ձեռք բերեցի ընկերներ Հայաստանի տարբեր մարզերից: Երբեք չեմ մոռանա աղջիկներին ու նրանց ժպիտները: Երբ ավարտվեցին այդ հրաշալի 6 օրերը, հիշում եմ ինչպես էինք լաց լինում. չէինք ցանկանում տուն վերադառնալ:

 

Բայց 2011թ. GLOW-ն դեռ կյանքիս ու հաջողություններիս սկիզբն էր: GLOW-ից հետո մեզ սպասվում էին մարզային սեմինարներ, ինչպես նաև հասակակցի կրթության դասընթացներ ու միջոցառումներ:

 

2012թ.ամռանը ես մասնակցեցի ամառային դպրոցին՝ որպես կրտսեր ջոկատավար: Սա նոր և պատասխանատու դեր էր ինձ համար, այն նոր հմտություններ էր պահանջում ինձնից: Այս տարի ավելի հետաքրքիր ու բուռն անցավ ամառային դպրոցը: Ես կրկնապատկեցի իմ գիտելիքները: Այս տարի մեր՝ կրտսեր ջոկատավարների վրա ավելի մեծ պատասխանատվություն կար, որովհետև մենք օրինակ էինք մասնակից աղջիկների համար, նաև օգնում նրանց առավելագույնս վերցնել ամառային դպրոցից:

 
Ուզում եմ խորին շնորհակալություն հայտնել GLOW-ի ողջ անձնակազմին: Շնորհակալություն,որ դուք կաք ու շարունակում եք զարգացնել շատ հայ աղջիկների հմտությունները, նոր հնարավորություններ բացել մեզ համար: Ես ձեզ երբեք չեմ մոռանա...

 

Սիլվա Բոյախչյան

GLOW 2011 Ù³ëݳÏÇó, GLOW 2012 Ïñïë»ñ çáϳï³í³ñ

ø³Õ³ù êåÇï³Ï, Èáéáõ Ù³ñ½