ԱՐՔԱՆԵՆ ԹԱԿՈՒՄ Է ՆՈՐ ԱՄՐՈՑԻ ԴՌՆԵՐ

ԱՐՔԱՆԵՆ ԹԱԿՈՒՄ Է ՆՈՐ ԱՄՐՈՑԻ ԴՌՆԵՐ

«Երբեք մի ասա մարդկանց` ինչպես անել:

Ասա ինչ անել, և նրանք կզարմացնեն քեզ իրենց հնարամտությամբ»:

-Ջորջ Պատոն

Ստեփանավանի երիտասարդական կենտրոնը ԱՐՔԱՆԵ աղջիկների առաջնորդության և զարգացման ծրագրի շրջանակներում ՀՀ բոլոր մարզերում նախատեսում է կազմակերպել և իրականացնել մարզային դասընթացներ 12-16 տարեկան աղջիկների և տղաների համար՝ նպատակ ունենալով ձևավորել ակտիվ՝ համայնքային փոփոխությունների պատրաստ, նախաձեռնող և իրականացնող առաջնորդ պատանիներ:

Առաջին դասընթացը տեղի ունեցավ Արմավիր մարզի Մեծամոր քաղաքում՝ «Ընտանիք և Համայնք» ՀԿ հյուրընկալ տարածում:

Դասընթացը նվիրված էր թիմային աշխատանքի և առաջնորդության հմտությունների զարգացմանը,  Զանգվածային Առցանց Բաց Դասընթացի (MOOC)  ծանոթացմանը՝ որպես լավագույն համալսարանների ու դասախոսների մասնակցությամբ ժամանակակից առցանց ուսուցման ձև:

Թվով 21 պատանիներ ձեռք բերեցին գիտելիքներ թիմային աշխատանքի դերերի, թիմի կազմավորման ձևերի, առաջնորդության տեսակների վերաբերյալ: Ակտիվ խաղ-վարժանքների միջոցով կարողացան նույնականացնել իրենց ներկայացված դերերի հետ, ծանոթացան արդյունավետ առաջնորդի անձնային հատկանիշներին, տեղեկացվեցին հաջողակ թիմի ստեղծման սկզբունքներին: Նրանց մոտ ձևավորվեց ընդհանուր գիտելիքներ MOOC-ի՝ առցանց դասըթացներից օգտվելու հնարավորությունների վերաբերյալ:

Շնորհալակություն ենք հայտնում «Ընտանիք և Համայնք» ՀԿ աշխատակազմին՝ արդյունավետ համագործակցության և մասնակիցներին՝ հետաքրքրվածության և ակտիվ մասնակցության համար:

Հարգանքով՝

«Արքանե» աղջիկների առաջնորդության և զարգացաման ծրագրի աշխատակազմ

26 սեպտեմբերի 2015թ.

Սեմինար Կոտայքի մարզում` Չարենցավանում

Սիրելի աղջիկներ,
Ստեփանավանի Երիտասարդական Կենտրոնը «Արքանե 2015» աղջիկների առաջնորդության և զարգացման ծրագրի շրջանակներում կազմակերպում է սեմինարներ ՀՀ մարզերում։
Ստորև բերված են հերթական սեմինարի մանրամասները․

Վայրը՝ Կոտայք, Չարենցավան, Վարչական տարածք N 6, շենք 19, Չարենցավանի հանրային գրադարան «Ամերիկյան Անկյուն»
Թեման՝ «Սոցիալական մեդիա»
Օրը՝ հոկտեմբերի 9, 2015թ.
Ժամը՝ 14։20-17:30

Հայտադիմումների ընդունման վերջնաժամկետ՝ հոկտեմբերի 7, 2015թ., ժամը՝ 23:59
Դիմել կարող են թե՛ աղջիկները, թե՛ տղաները (նախապատվությունը կտրվի 13-18տ. դիմորդներին):

Սեմինարն ունի հետևյալ բովանդակային կառուցվածքը`
• Ամենահայտնի սոցիալական ցանցերից օգտվելու նոր գործիքներ,
• Բլոգի բացում և աշխատեցնելու գործիքներ,
• Քաղաքացիական լրագրության հնարավորությունները և հեռանկարները,
• Լուսանկարների և տեսանյութերի մշակում և տեղադրում համացանցում,
• Տեղեկատվական անվտանգություն և հեղինակային իրավունք:
• Ծանոթացում զանգվածային առցանց բաց դասընթացին

Հայտադիմումը լրացնելու համար հետևեք հղմանը՝

https://docs.google.com/…/1qgqbfPhpYz6arzy9nYwz4YQ…/viewform

Մասնակցության հայտ

Ստորև ներկայացնում եմ մասնակցության հայտադիմումը.

https://docs.google.com/forms/d/1wTVKBHiPaBvuqL6DbgqpVY7yNQ1o6G948Oa96ObBXsw/viewform

«ԹԻՄԻ ԿԱՌՈՒՑՈՒՄ, ԱՌԱՋՆՈՐԴՈՒԹՅԱՆ ՀՄՏՈՒԹՅՈՒՆՆԵՐ»

Եթե Ձեր գործողությունները ոգեշնչում են

ուրիշներին երազել ավելին, սովորել ավելին,

 անել ավելին և դառնալ ավելին, դուք առաջնորդ եք:

 Ջոն Քուինսի Ադամս

ՄԱՐԶԱՅԻՆ ՍԵՄԻՆԱՐ

Վայրը՝   Արմավիր, Մեծամոր, Վարչական տարածք N 6 , Սբ. Ղազար եկեղեցու տարածք

                 («Ընտանիք և համայնք» հասարակական կազմակերպության դահլիճ)

Օրը՝         26 սեպտեմբերի 2015թ.

Ժամը՝      Առավոտյան 11:00-ին

Հայտադիմումների ընդունման վերջնաժամկետ՝ 20 սեպտեմբեր 2015թ., ժամը՝ 23:59

** Դասընթացին կարող են մասնակցել բոլորը՝ թե աղջիկները, և թե տղաները (նախապատվությունը կտրվի 13-18տ դիմորդներին)

ԾՐԱԳՐԻ ՆՊԱՏԱԿԸ

«Արքանե» աղջիկների առաջնորդության և զարգացման ծրագրի շարունակականությունն ապահովելու և  ներկայացված թեմաների վերաբերյալ տեղեկացվածության մակարդակը բարձրացնելու նպատակով Ստեփանավանի Երիտասարդական կենտրոնը կազմակերպում է սեմինարներ ՀՀ տարբեր մարզերում:

Ծրագրի մեկնարկը և առաջին սեմինար- հանդիպումը տեղի կունենա Մեծամոր քաղաքում:

Սեմինարը նվիրված է  թիմի կառուցմանը, թիմային աշխատանքի և առաջնորդության հմտությունների զարգացմանը:

ՍԵՄԻՆԱՐԻ ԿԱՌՈՒՑՎԱԾՔԸ

Սեմինարն ունի հետևյալ բովանդակային կառուցվածքը`

• Թիմի կառուցման խաղեր
• Արդյունքների ներկայացում, խմբային քննարկում
• Բնավորությունը և հատկանիշները առաջնորդության մեջ
• Առաջնորդության տեսակները
• Թիմային դերեր
• Ծանոթացում զանգվածային առցանց բաց դասընթացին

ԴԻՄԵԼՈՒ ԿԱՐԳԸ՝

Ուղարկեք նամակ lilit.mkhitaryan11@gmail.com էլ-հասցեով:

Կոնտակտային անձ՝  Լիլիթ Մխիթարյան

12 քայլ բլոգ ստեղծելու համար

Ինտերնետը հնարավորություն տվեց ցանկացած մարդու դառնալ լրատվամիջոցի ղեկավար՝ հայտնի թերթի կամ ռադիոյի, ինչու չէ, հեռուստատեսության: Այս ամենը ձեզ տալիս է բլոգը:

Կան բլոգերի համար նախատեսված հայտնի հարթակներ. դրանցից է blogger.com, որը պատկանում է Google ընկերությանը:
Այնպես որ, եթե ուզում եք ունենալ բլոգ այս կայքում, նախ և առաջ գրանցվեք Google-ում:

քայլ 1. գրանցվել google-ում

քայլ 2. սեփական հաշվից մտնել blogger

Քայլ 3. գրել բլոգի անվանումը, հասցեն,
ընտրել տեսքը և սեղմել «Create blog» 

Քայլ 4. Վերևի ձախ անկյունում տեղակաjված մատիտին սեղմելով՝
գրել բլոգփոստ:

Կամ պարզապես սեղմել նարնջագույն գրիչի կոճակին:

Քայլ 5. Այս էջում դուք կարող եք գրել արդեն վերնագիրը և տեքստը:

Քայլ 6. Ընտրել լուսանկար, որպեսզի տեղադրեք բլոգփոստում

Քայլ 7. Ընտրում եք «Choose files» կոճակը

Քայլ 8. Ընտրում եք ձեր նախընտրած լուսանկարները և սեղմում «open» կոճակը

Քայլ 9. նկարները իրար տակ շարվում են տեքստի էջում,
պարզապես մկնիկով բռնեք և տեղափոխեք անհրաժեշտ տեղը

Քայլ 10. Նշելով ցանկացած նկար՝ կարող եք փոխել
 նրա չափսերը, տեղը, ինչպես նաև ավելացնել փոքր տեքստ

Քայլ 11. Ավարտելուց հետո սեղմում եք «Preview» կոճակը,
բացվում է բլոգի նոր պատուհան, որտեղ
միայն դուք կարող եք տեսնել ձեր փոստը բլոգում ինչ տեսք ունի

Քայլ 12. եթե ձեզ դուր եկավ բլոգփոստի վերջնական տեսքը,
սեղմեք «publish» կոճակը և հանձնեք ձեր փոստը աշխարհի դատին

Եթե ընթացքում ծագեն հարցեր, առանց տատանվելու դիմեք Մանե Պապյանին:

«Արքանե 2015» երկրորդ փուլ

«Արքանե 2015» ամառային դպրոցը դեռ մեկ տարի կլինի ձեզ հետ տարբեր ծրագրերով և, ամենակարևորը, ձեր նախաձեռնությամբ:
Ինչպես հիշում եք, դպրոցի ժամանակ մենք խոսում էին հետագա ծրագրերի մասին, որ դուք հնարավորություն կունենաք իրականացնել սեմինարներ, փոքրիկ դրամաշնորհներ գրել, ունենալ ձեր մենթորը, ով կաջակցի ձեզ, որ ձեր երազ-նպատակները հնարավորինս արագ իրականություն դառնան:
Եվ ուրեմն սկսում ենք...

1. Դասընթացներ Հայաստանով մեկ- «Արքանե 2015» դպրոցը կշրջի Հայաստանով մեկ և կիրականացնի մի շարք դասընթացներ արդեն ձեզ մոտ: Մենք ձեր օգնության կարիքը շատ կունենանք, որ դուք ներկայացնեք մեզ արդեն ձեր համայնքներում, չէ՞ որ կան ձեզ նման շատ-շատ հասակակիցներ, որոնք ևս կցանկանան նոր գիտելիքներ ձեռք բերել:

2. Փոքրիկ դրամաշնորհներ- Տարբեր դասընթացներ ձեր հասակակիցների համար, հետաքրքիր ակցիաներ, նախաձեռնություններ համայնքի բարեկեցության համար... այն, ինչ ձեզ հետաքրքրում է: Դուք կունենաք հնարավորություն իրականացնելու՝ դիմելով «Արքանե 2015»: Այստեղ կարող են մասնակցել «Արքանե 2015» դպրոցի այս տարվա շրջանավարտները, իսկ նախորդ տարիների շրջանավարտների հետ համագործակցումը միայն խրախուսվում է:

3. Գտիր քո մենթորին- Դուք այս տարի նշել եք, թե ում կցանկանայիք տեսնել որպես մենթոր, մարդ, ով կլինի ձեր կողքին և կաջակցի ձեզ ամեն հարցում:

4. MOOC առցանց ուսուցում- Դուք հնարավորություն կունենաք օգտվել ինտերնետի անսահմանափակ շտեմարաններից մեկից՝ MOOC առցանց ուսուցման հարթակից, որտեղի դուք կարող եք գտնել բազմաթիվ դասընթացներ, որոնք ձեզ համար կբացեն նոր հորիզոններ և կօգնեն զարգացնելու նոր հմտություններ:

5. Բլոգ- Եվ իհարկե մենք սպասում ենք հետաքրքիր նյութեր ձեր իրականացրած միջոցառումների մասին: 

Հ.Գ. Այս ամենի մասին ավելի մանրամասն դուք կկարողանաք տեղեկություն ստանալ ավելի ուշ, իսկ մինչ այդ, հաջողություն ՁԵԶ և հիշեք, եթե ձեր նպատակները ձեզ չեն վախեցնում, ուրեմն նրանք բավականաչափ մեծ չեն:

Ճամբար Դարբաս գյուղում

<<Արքանե>> ամառային դպրոցի ավարտից հետո մենք` դարբասցիներս (Սոնա Զաքարյան, Մերի Համբարձումյան, Հերմինե Զաքարյան), շարունակեցինք մեր աշխատանքը արդեն մեր համայնքում: World Vision կազմակերպության հովանավորությամբ կազմակերպեցինք հնգօրյա ճամբար՝ լեցուն հետաքրքիր թեմաներով և հրաշալի էքսկուրսիայով դեպի Գառնի Գեղարդ: Կազմակերպեցինք հետաքրքիր խաղեր երեխաների համար: Որպես տարիքային խումբ ընտրել էինք 5-ից 7-րդ դասարանները: Մեր նպատակն էր <<Արքանե>>-ից ստացած գիտելիքները փոխանցել երեխաներին: Չէ որ մեր ապագան հենց նրանք են: Մեր <<Արքանե>>-ի թագավորության հրաշքները չեն ավարտվել, ընդհակառակը, դեռ նոր են սկսվում: