Ընտրվել եմ ԳԼՕ 2014 կրտսեր ջոկատավար

2012թ. մասնակցելով ԳԼՕ ամառային դպրոցին` ստացա նորանոր գիտելիքներ և վերադարձա տուն այն շարունակելու մտքով և իրագործեցի իմ պլանները` կազմակերպելով դասընթացներ և ակտիվ մասնակցություն ունենալով իմ համայնքում հասարակական աշխատանքներին:
Այս ամառային ճամբարը յուրօրինակ փորձաշրջան էր ինձ համար: Ես լավ տպավորություններով վերադարձա տուն և մինչ օրս պատմում եմ իմ ընտանիքի անդամներին, հարևաններին, ծանոթներին մեր հետաքրքիր և անմոռանալի օրերի մասին:
Շատ էի ցանկանում կրկին լինել ԳԼՕ-ում, բայց մտածում էի, որ չեմ կարող հաղթահարել փուլերը: Եվ վերջապես փուլերին մասնակցելուց հետո ԳԼՕ-ի ֆեյսբուքյան էջում կարդացի այս տարվա ջոկատավարների անունները, այդ թվում նաև իմը: Ուրախությանս չափ չկար:
Սա հնարավորություն է ևս մեկ անգամ լինել ԳԼՕ-ում, սակայն այս անգամ այլ դերում: Կրտսեր ջոկատավար լինելը բավականին պատասխանատու աշխատանք է, պետք է շատ ուշադիր լինես մասնակիցների նկատմամբ, միշտ պատրաստ լինես օգնելու ավագ ջոկատավարներին, կազմակերպել միջոցառումներ և խաղեր: Այս ամենը ես տեսել ու սովորել եմ իմ կրտսեր ջոկատավար Սյուզետայից և հուսով եմ, որ այս տարվա մասնակիցներն էլ ինձանից կսովորեն:
Եվս մեկ անգամ շնորհակալություն բոլորին. և՛ կազմակերպիչներին, և՛ ջոկատավարներին, և՛ անձնակազմին, և' այս տարվա մասնակիցներին, որոնց հետ ես արդեն ծանոթություններ եմ հաստատել:

Գենյա Ավագյան

Կրտսեր Ջոկատավար

ԳԼՕ 2014 ամառային դպրոց

Ես ԳԼՕ-ից հետո (Ռոզա Թադևոսյան)

Ես Ռոզան եմ: 15 տարեկան եմ, ապրում եմ Արտենիում և սովորում Արտենիի թիվ 1 միջնակարգ դպրոցում: Անցած տարի իմ կյանքը հիմնովին փոխվեց, երբ մասնակցեցի ԳԼՕ աղջիկների առաջնորդության և զարգացման ամառային դպրոցին: Գալով ԳԼՕ՝ ես ձեռք բերեցի այնպիսի գիտելիքներ, որոնք չէի կարող ձեռք բերել և ոչ մի տեղում: Ես ԳԼՕ-ում սովորեցի գնահատել ինքս ինձ և հավատալ իմ ուժերին՝ անկախ ամեն ինչից: Սովորեցի աշխատել թիմում, լինել լավ լիդեր, կարողանալ հասկանալ ու համագործակցել խմբի անդամների հետ, համախմբվել միևնույն նպատակի շուրջ: Նաև սովորեցի լինել կամավոր շրջապատում, ձեռնարկել և իրականացնել կամավոր աշխատանքներ իմ համայնքի, բնակչության և առհասարակ բոլորի համար: Սովորեցի սնվել և ապրել առողջ, նաև շրջապատիս ևս սովորեցնել ապրել առողջ ու նպաստել դրան, լինել բնապահպան, իրազեկ լինել թրաֆիկինգ կոչվող աղետից: Մի խոսքով զարգանալ և զարգացնել, լինել ակտիվ և ներգրավված երիտասարդ շրջապատում:ԳԼՕ ծրագրի ավարտից հետո ես ունեցել եմ բուռն ու ակտիվ տարի: 
Փոքր ինչ պատմեմ դրա մասին. ԳԼՕ-ի ավարտից հետո ես ավարտեցի Հայաստանում ԱՄՆ դեսպանատան և "Հայաստանի Մանուկներ Հիմնադրամ" բարեգործական հասարակական կազմակերպության կողմից կազմակերպված անգլերեն լեզվի ուսուցման միկրոկրթաթոշակային ծրագիրը: Նշեմ, որ ծրագրի ուսուցման կուրսը 2 տարի էր, ես մասնակցեցի ընդամենը 4 ամիս: Երբ ես ընդգրկվեցի այդ ծրագրում՝ ես ընդունվել էի որպես ազատ դիտորդ, չունեի համապատասխան գրքեր և չէի համարվում աշակերտ: Սկզբում ես ինձ այքան էլ լավ չէի զգում, որովհետեև մեծ տարբերություն էի զգում իմ և մյուս երեխաների մեջ: Մասնակցելով ԳԼՕ-ին ես սովորեցի կամքի ուժ դրսևորել և ինքս ինձ խոստացա, որ հաջորդ անգամ երբ կբաժանվեն նոր գրքեր ես ևս պետք է ունենամ դրանցից: Եվ այդպես էլ եղավ, ես ընդգրկվեցի հիմնական կազմ, ստացա ավարտական դիպլոմ, թեպետ նույնիսկ հույս էլ չունեի, որ կարող եմ ստանալ որևէ վկայական: Ծրագրի ավարտից հետո ես կրկին հրավեր ստացա "Հայաստանի Մանուկներ Հիմնադրամի" կողմից մասնակցել նույն միկրոկրթաթոշակային ծրագրին՝ բայց այս անգամ որպես կամավոր: Ես պետք է կամավոր հիմունքներով աշխատեի երեխաների հետ, օգնեի ուսուցչին դասը վարելու հարցում: Մինչև օրս էլ հանդիսանում եմ որպես կամավոր: Մասնակցեցի "Առողջ դպրոցներ. Դպրոցներն հանուն առողջության" եվրոպական ցանցի ծրագրին: Մշակեցի ծրագիր, որով շուտով կվերանորոգվի մեր դպրոցի մարզադահլիճը և հանդերձարանը: Մասնակցեցի "Առողջ ապրելակերպ" խմբակին, սովորեցի լինել և ապրել առողջ, ԳԼՕ-ից ստացած գիտելիքներս օգտագործեցի խմբակում՝ իմ ընկերներին հավելյալ գիտելիքներ փոխանցելով առողջ ապրելակերպի ու առողջության մասին : Մասնակցեցի տարբեր կամավոր աղբահանությունների և ծառատունկի՝ դպրոցի շրջակայքը բարելավելու նպատակով: Մասնակցել եմ "Վորլդ Վիժն Հայաստան" բարեգործական հասարակական կազմակերպության և "Ջինիշյան հիշատակի հիմնադրամի" կողմից կազմակերպած "Բանավեճի ակումբ" երիտասարդական դեբատ ակումբին: Ընդգրկվեցի մարզային հավաքական թիմ, մասնակցեցի հանրապետական փուլին և թիմիս հետ ընդգրկվելով լավագույն ութնյակ՝ հնարավորություն ունեցա մեկնել Աղվերան և մասնակցել ամառային ճամբարին և ներկա գտնվել ու մասնակցել "Հռետորական արվեստ", "Հաղորդակցության հմտություններ", "Բանավեճի հմտություններ" թեմաներով սեմինարներին : Այս ակումբի շնորհիվ սովորեցի վարժ բանավիճել, հայտնել իմ կարծիքը յուրաքանչյուր հարցի շուրջ, կարողանալ ապացուցել և պաշտպանել այն: Մասնակցել և մասնակցում եմ "Վորլդ Վիժն Հայաստան"-ի կողմից կազմակերպած մեկ այլ ծրագրի՝ դա ԻՄՓԱՔՏ երիտասարդական զարգացման ծրագիրն է, որը երիտասարդական ակումբ է , որի շրջանակներում ակումբի երիտասարդ անդամները մշակում և իրականացնեւմ են համայքային զարգացման ծրագրեր: Հիմա ես հանդիսանում եմ ծրագրի ներկայացուցիչը համայնքապետարանում: Մենք՝ խմբի անդամներս հայթհայթում ենք դոնորներ ծրագրի իրագործման համար, օգտվելով "Վորլդ Վիժն Հայաստան"-ի օգնությունից ևս: Այնուհետեև Կազմակերպել եմ սեմինարներ՝ "Առաջնորդություն", "Թիմային աշխատանք" և "Կամավոր աշխատանք" թեմաներով: Սեմինարի ընթացքում քննարկվել են առաջնորդության տեսակները, մասնակիցները հայտնել են իրենց կարծիքները առաջնորդության և թիմային աշխատանքի մասին:

Ավարտելով սեմինարը մենք մեր փոքրիկ խմբով դուրս եկանք փողոց և բոլոր պատահական անցորդներին առաջարկեցինք միանալ մեզ և մասնակցել կամավոր աղբահանությանը, որը իրականացվելու էր դպրոցի մոտ գտնվող ֆուտբոլի դաշտում և դրան հարակից տարածքում: Արդյունքում մենք կատարեցինք և՛ կամավոր աշխատանք , և՛ բնապահպանական ակցիա: Քանի որ ես հանդիսանում եմ դպրոցում գործող "Աշակերտական խորհրդի" անդամ, հանդիսացել եմ բնապահպանության և առողջապահության նախարար՝ իմ նախարարության անդամների հետ իրականացրել եմ հակածխախոտային ակցիա դպրոցում և դրանից դուրս՝ պատրաստելով թորիկ տեղեկատու քարտեր դրանց վնասակարության մասին , փակցրել ենք պաստառներ ամբողջ դպրոցով մեկ: Ահա և ես ԳԼՕ-ից հետո՝ ակտիվ , ներգրավված, համարձակ Ռոզաս՝ մասնակցած բազում ծրագրերի, բացի մասնակցելուց նաև իրականացրած: ԳԼՕ-ից ստացած գիտելիքները ինձ շա՜տ օգնեցին և ես հենց ԳԼՕ-ի, իմ կրտսեր և ավագ ջոկատավարների շնորհիվ եղա այսքան ակտիվ , ինձ համար որդեգրեցի արժեքներ, որոնց երբեք չեմ դավաճանի: Այս տարի ի ուրախություն ինձ ես ևս մեկ անգամ կայցելեմ ԳԼՕ, սակայն այս անգամ ոչ որպես մասնակցի, այլ որպես կրտսեր ջոկատավար, որը ԳԼՕ-ն ավարտելուց հետո իմ նպատակներից մեկն էր: Հուսով եմ կլինեմ լավ առաջնորդ թիմիս համար ու իմ խորհուրդներով, ստացած գիտելիքներով ու փորձով կնպաստեմ նրանց ակտիվությանն ու հմտությունների և կարողությունների բացահայտմանն ու օգտագործմանը: Ցանկանում եմ նաև խրախուսել այն բոլոր մասնակիցներին, ովքեր դիմել էին մասնակցության կամ էլ կրտսեր ջոկատավարության համար և չեն անցել: Ցանկանում եմ ասել , որպեսզի երբեք չկոտրվեն ու միշտ առաջ նայեն, թող գոտեպնդվեն ու իրենց մեջ կամքի ուժ գտնեն մյուս տարի դիմելու և անցնելու համար:

ՍԻՐՈՎ՝ 
ՌՈԶԱ 

Ռոզա Թադևոսյան
Կրտսեր Ջոկատավար
ԳԼՕ 2014 ամառային դպրոց

Սեմինարներ Տաշիրում

Օֆելյա Բալայան
ԳԼՕ 2013 ամառային դպրոցի մասնակից

Սեմինար Գավառի Հայկական Կարիտաս ԲՀԿ-ում

Բարև  բոլորին!!! Ես ԳԼՕ 2013-ի  սան եմ: Նախ ասեմ, որ ԳԼՕ  ամառային դպրոցը մեծ ազդեցություն  ունեցավ  իմ վրա և ես շատ ուրախ եմ, որ այն երջանիկներից եմ, ովքեր  հնարավորություն   ունեցան  մասնակցել  ԳԼՕ ամառային դպրոցին: Այնտեղ ես անցկացրեցի աննմոռանալի օրեր և շատ շնորհակալ եմ բոլորին:

ԳԼՕ-ից վերադառնալուց հետո  ես և իմ ընկերուհի Անին  Գավառի   «Հայկական Կարիտաս»  ԲՀԿ-ի «Փոքրիկ  Իշխան» սոցիալական կենտրոնում   կազմակերպեցինք սեմինար  12-16  տարեկան երեխաների համար: Մեր  կազմակերպած սեմինարներն  4-ն էին՝ «Ինքնաճանաչում»,  «Առաջնորդություն», «Թրաֆիկինգ», «Կոնֆլիկտներ» :

Օգոստոսի մեկին տեղի ունեցավ  «Թրաֆիկինգ»  թեմայով  սեմինարը:  Մենք  մի քանի անձանց օրինակների միջոցով բացատրեցինք, թե ինչ  է թրաֆիկինգը, որոնք են  թրաֆիկինգի  տեսակները և  ինչպես կարելի պաշտպանվել  թրաֆիկինգից:

Օգոստոսի  տասներեքին տեղի ունեցավ   «Կոնֆլիկտներ»  թեմայով   սեմինարը: Մենք երեխաներին բացատրեցինք, թե ինչ է կոնֆլիկտը,  ինչպես  է առաջանում   այն,  դրա փուլերը և ինչպես կարելի է  խաղաղ  պայմաններում  լուծել  կոնֆլիկտները  ըստ  Թոմասի  թեորեմի: Մենք  երեխաներին բաժանեցինք  երկու խմբի  և նրանց  հանձնարարեցինք   ներկայանցնել մի կոնֆլիկտային իրավիճակ և դրանց լուծման տարբերակներ: Խմբակային աշխատանքների միջոցով  որոշեցինք, թե որն է  կոնֆլիկտների լուծման  արդյունավետ միջոցները: 

Սվետլանա  Սարոյան

Քաղաք Գավառ, Գեղարքունիքի մարզ

ԳԼՕ 2013 ամառային դպրոցի մասնակից  

Իմ կյանքը ԳԼՕ ամառային դպրոցից հետո

Երբ մի ամբողջ տարի զբաղված ես լինում և նույնիսկ ժամանակ չես ունենում նորմալ տանը գտնվելու՝ ասելիքդ շաաաաա՜տ-շաաաաաա՜տ է լինում ......Ահա այսպես եմ զգում ԳԼՕ ամառային դպրոցից գրեթե մեկ տարի անց:  
Բառիս բուն իմաստով գերզբաված տարվանից հետո սիրով Ձեզ եմ ներկայացնում արդյունքներ:

Մասնակցեցի Սեմինար Դպրոցներն հանուն առողջության: Հրաշալի սեմինար էր լի անվերջանալի տեղեկություններով, որոնք ես յուրովի բացահայտեցի ինձ համար :

Առողջ ապրելակերպ խմբակում կազմակերպվել էր աղցանների մրցույթ-փառատոն և իմ աղցանը հաղթող ճանաչվեց:

Ձեզ եմ ներկայացնում Բանավեճի ակումբում իմ ունեցած հանդիպումների նկարները, որտեղ մենք հաղթել ենք կամ էլ տարել մարտական ոչ-ոքի: Նաև նշեմ, որ ես ընդգրկվել եմ մարզային թիմում; Դա ինձ համար մեեե՜ծ հաջողություն էր և շուտով տեղի կունենան հանրապետական մրցումները: Հուսամ ես և իմ թիմը լավ կներկայանանք:

Ահա և ես ԳԼՕ-ից հետո՝ կամավոր, նախաձեռնող, կենսուրախ և նպատակասլաց Ռոզաս այն խմբի և սաների հետ, որոնց համար հանդիսանում եմ կամավոր:

Ապրիլի 22-ին անցկացրեցի սեմինար 8-րդ և 9-րդ դասարաններ-ում: Սեմինարի նպատակը մեկն էր. յուրաքանչյուրին որքան հնարավոր է տալ տեղեկություն Թրաֆիքինգի և ընտանեկան բռնության մասին:եվ հուսով եմ,որ դա ինձ մոտ ստացվեց քանի որ ինձ թվում է արեցի առավելագույնը:Կարճ պատմելով անցկացվող սեմինարի մասին կասեմ,որ գտնվեցին երեխաններ ովքեր բացի իմ առաջարկած կետերից որոնք նշվել էին թրաֆիքինգի չենթարկվելու համար,առաջարկեցին և գրառեցին այնպիսի կետեր որոնք իսկապես անհրաժեշտ էին իմանալու և կիրառելու համար:Բացի այդ եղան կամավորներ ովքեր որոշեցին անցկացնել նույնպիսի սեմինարներ իրենցից ցածր գտնվող դասարաններում և համայնքի այն մասսա-յում ովքեր տեղեկացված չեն տվյալ թեմաներին:

Ապրիլի վերջին ես կազմակերպեցի սեմինար Առաջնորդություն, Թիմային աշխատանք և Կամավորություն թեմաներով: Նշեմ, որ սեմինարը ընթացավ սպասվածից ավելի լավ: Մենք քննարկեցինք առաջնորդության ձևերը, քննարկեցինք, թե ինչպիսին պետք է լինի իսկական առաջնորդը, ինչպիսի հատկանիշներ պիտի ունենա: Նաև քննառկեցինք, թե ինչ է թիմային աշխատանքը, ինչն է ընկած թիմային աշխատանքի հիմքում: Ահա և հասանք կամավորությանը... Ես՝ որպես կամավորի բացատրեցի դրա բնույթն ու կարևորությունը , թե ինչքան կարևոր է կատարել անշահախնդիր աշխատանք՝ կամավորություն: Վերջացնելով սեմինարը սեմինարի մի քանի մասնակիցների հետ դուրս եկանք փողոց և երեխաներին առաջարկեցինք միանալ մեզ և կամավոր աղբահանություն կազմակերպել ֆուտբոլի դաշտում և դաշտից քիչ հեռու գտնվող տարածքում, որտեղ գոյացել էին մեծ աղբակույտեր, որոնք մենք փորձեցինք վերացնել ...Ես այնքան ուրախ եմ, որ նույնիսկ փոքրիկները այնքան շատ էին ուզում տեսնել այդ տարածքը մաքուր և կոկիկ, այնքան խանդավառ էին աշխատում: Փաստորեն մենք կատարեցինք և՛ բնապհպանական ակցիա և՛ կամավոր աշխատանք: Արդյունքները գոհացնող էին:

Ռոզա Մարգարյան
քաղաք Երևան

ԳԼՕ 2013 ամառային դպրոցի մասնակից

Սեմինարներ երեխաների համար

Բարևներ ու պաչիկներ բոլորին!!! Հուսով եմ, որ լավ եք. շատ-շատ կարոտել եմ ձեզ, շատ կուզեի տեսնել բոլորիդ, զրուցել, հիշել GLOW-ում անցկացրած անմոռանալի օրերը, տեսնել թե յուրաքանչյուրս ինչքանով ենք փոխվել GLOW-ից հետո և թե ինչ ազդեցություն է ունեցել GLOW-ն յուրաքանչյուրիս կյանքում: Ես կարող եմ ասել,որ GLOW-ն մեծ ու դրական ազդեցություն ունեցավ իմ վրա: Այն իմ մեջ և իմ կյանքում շատ բան փոխեց, ուստի մեծ շնորհակալություն GLOW-ի կազմակերպիչներին, կամավորներին, կրտսեր ու ավագ ջոկատավարներին, հովանավորներին, մի խոսքով բոլորին ` պարգևած գիտելիքների, լավ ընկերների, անմոռանալի հիշողություննեիր, մեծ փորձի ու իմ կյանքում GLOW-ից հետո տեղի ունեցած բոլոր դրական փոփոխությունների համար:

Իսկ հիմա կցանկանայի մի քիչ պատմել, թե ինչ դրական փոփոխությունների մասին է խոսքը և թե ինչով եմ զբաղվել GLOW-ից հետո:

Գավառում արդեն բավականին երկար տարիներ է ինչ բացվել է Հայկական  Կարիտաս բարեգործական կազմակերպության Փոքրիկ իշխան սոցիալական կենտրոնը: Ծրագրի անմիջական շահառուները 40 սոցիալապես անապահով ընտանիքների 12-16 տարեկան երեխաներ են:Ես ու Սվետլանան (կարծում եմ բոլորս էլ հիշում ենք իմ ամենամտերիմ համեստ ու պուպուշ անբաժան ընկերուհուն) որոշեցինք սեմինարներ կազմակաերպել հենց այդ երեխաների համար: Որոշեցինք ու կազմակերպեցինք: Կազմակերպեցինք 4 սեմինար տարբեր թեմաներով:

Ինքնաճանաչում թեմայով սեմինարը տեղի ունեցավ հուլիսի տասնհինգին: Սկզբում երեխաներին  բացատրեցինք մարդու արժեքային համակարգը, այնուհետև յուրաքանչյուրը պատմեց իր արժեքների մասին: Միասին քննարկեցինք ու ընտրեցինք տարբեր արժեքներ: Երեխաները անհատական առնձնացրեցին իրենց համար ամենակարևոր իննը արժեքներ: Հետո երեխաների հետ խոսեցինք իրենց ընտրած արժեքների մասին: Բացատրեցինք, թե ի՞նչ է  ինքնագնահատականը, ինչպես է առաջանում դրական և բացասական ինքնագնահատականը:  Պատմեցինք մեր և երեխաների համար շատ հետաքրքիր գորտերի պատմությունը, և այդքանով ավարտեցինք:

Առաջնորդություն թեմայով սեմինարը տեղի ունեցավ հուլիսի քասնվեցին: Սկզբում երեխաներին բացատրեցինք, թե  ի՞նչ է իրենից ներկայացնում առաջնուրդությունը, ինչպե՞ս դառնալ լավ առաջնորդ, թե ինչպիսի հմտություններ պետք է ունենա առաջնորդը և այլն: Այնուհետև բաժանվեցինք 2  խմբերի և խաղացինք Փրկություն  և  Հրե օղակներ խաղերը: Բացատրեցինք առաջնորդության ոճերը: Հետո միասին  քննարկեցինք և ավարտեցինք:

Անի Միասկյան

Քաղաք Գավառ

ԳԼՕ  2013 ամառային դպրոցի մասնակից

Ճամբար հաշմանդամ երեխաների համար

Ողջույն բոլորին! Կարոտել եմ բոլորիդ շաաատ-շատ և ուզում եմ, որ GLOW-ի օրերը նորից կրկնվեն: Շատ անմոռանալի հիշողություններ ունեմ ձեզանից յուրաքանչյուրի, մեր կամավորների և GLOW-ի հետ կապված: Ուզում եմ մեծ շնորհակալություն հայտնել GLOW-ի բոլոր կազմակերպիչներին և հովանավորներին` պարգևած անմոռանալի պահերի, նոր ընկերների և հարուստ փորձի համար, որը, համոզված եմ, ինձ օգտակար կլինի ամբողջ կյանքիս ընթացքում:
Իսկ հիմա ուզում եմ պատմել ձեզ, թե ինչով եմ զբաղվել GLOW ճամբարին մասնակցելուց հետո... Գնացինք!
Մեր համայնքը հայտնի է յուրաքանչյուր տարի հաշմանդամ երեխաների համար կազմակերպվող իր ճամբարով: Ուզում եմ պատմել ձեզ այդ ճամբարին իմ մասնակցության մասին:
Այդ ճամբարում կազմակերպել էինք տարբեր թեմաներին և հիմնախնդիրներին նվիրված սեմինարներ: Այդ թեմաներից թվեմ մի քանիսը. "Ծխախոտի վնասակար ազդեցությունը մառդու առողջության վրա", "Ալկոհոլ", "Առողջ սնունդ", "Առողջ ապրելակերպ", "Հիգիենաի կանոններ", "Հարգանք", "Շրջակա միջավայրի պաշտպանության հիմնահարցերը" և այլն: Ձեզ եմ ներկայացնում մի կարճ տեսահոլովակ, որտեղ ինքս եմ վարում այդ սեմինարներից մեկը: Հույսով եմ, որ այն Ձեզ դուր կգա:
Այդ ճամբարում մենք օգում էինք կամավորներին, աշխատում էինք որպես թարգմանիչ սեմինարների ժամանակ: Մանրամասն բացատրում էինք երեխաներին քննարկվող թեմաները, իսկ հարցերի դեպքում մեծ սիրով օգնում էինք երեխաներին: Բացի այդ, ազատ ժամե

րին մենք կարող էինք շփվել այդ երեխաների հետ: Անձամբ ինձ համար շատ հետաքրքիր էր երեխաների հետ շփումը, նրանց կյանքը, առօրյան, խնդիրները, նրանց անհանգստացնող հարցերը և նրանց հետ կապված ամեն ինչ: Ես ուրախ էի օգտակար լինել նրանց ամեն հարցում` օգնելով նրանց թե' ֆիզիկապես, թե' խորհուրդներով: Մենք երեխաներին սովորեցնում էինք անգլերեն տառերը, թվերը, անցկացնում էինք նկարչության դասեր, պատրաստում էինք տարբեր վզնոցներ և ձեռքի այլ աշխատանքներ: Աշխատում էինք յուրաքանչյուր երեխայի հետ` բացահայտելով նրա ընդունակությունները տարբեր բնագավառներում: Բացի այդ, կազմակերպում էինք բազմաթիվ խաղեր, սովորեցնում էինք պարեր: Իդեպ, ես սովորեցրել էի նրանց GLOW ճամբարում սովորածս պարերը և խաղերը: Երախաների հետ շփվելուց հետո, նրանք ինձ համար ասես հարազատ էին դարձել և բաժանման պահը շատ ծանր էր բոլորիս համար: Այդ ճամբարի օրերը իսկապես անմոռանալի են դարձել ինձ համար:

Օֆելյա Բալայան
քաղաք Ստեփանավան, Լոռու մարզ
ԳԼՕ 2013 ամառային դպրոցի մասնակից