2011 Կրտսեր ջոկատավարներ
Անի Ղազարյան
Սյունիքի մարզ, քաղաք Կապան
Արցունքներով տուն ես վերադառնում GLOW-ից և անմիջապես լսում
հետևյալ հարցերը. "Լա՞վ էր'', ''Կկարոտե՞ս'': Այս հարցերի պատասխանը կարող է լինել
միայն մեկը՝ իհարկե, ա'յո:
2011 GLOW ամառային դպրոցը առանձնանում էր իր համ ու հոտով:
Փոքր փայտե տնակներում համախմբվել էին 44 մասնակիցները և ջոկատավարները: Առաջին օրը
ես նկատեցի մասնակիցների խաղաղ մթնոլորտը և քար լռությունը: Սակայն այդ նույն բանը
ես չէի ասի վերջին օրվա մասին: Այդ 7 օրերը կամուրջ հանդիսացան աղջիկների համար: Նրանք
շատ մտերմացան և համոզված եմ, որ կապը կպահպանեն նաև հետագայում: Ես անչափ ուրախ էի
տեսնել, ինչպես են նրանք դառնում 44 համերաշխ
քույրեր:
GLOW-ի համար ընտրված էին ամենակարևոր թեմաները, որոնցից պետք
է տեղյակ լինի յուրաքանչյուր մարդ, առավել ևս յուրաքանչյուր առաջնորդ: Մենք խոսեցինք
ինքնաճանաչման, մարդու իրավունքների, գենդերի, առաջնորդության, կարիերայի,բ նապահպանության
և առողջության մասին: Օրը հետաքրքիր դարձնելու համար անց էին կացվում նաև տարբեր խաղեր
և երեկոյան միջոցառումներ: Մենք հնարավորություն ունեցանք նաև լինել Հայաստանի մեծությամբ
երկրորդ բուսաբանական այգում:
Նշեմ,որ յուրաքանչյուր տարի ամառային դպրոցն ունենում է մի թեմա:
Այս տարվա թեման էր "Ջունգլիները'', իսկ մենք ջունգլիի առաջնորդ կենդանիներն էինք:
Մի յուրօրինակ ջունգլի...
Քիչ ժամանակ է անցել GLOW-ի ավարտից հետո, սակայն զգում եմ,
որ կարոտում և փափագում եմ տեսնել բոլորին: Եվ փափագս փոքր-ինչ մեղմելու համար մտովի
ճամփորդություն եմ կատարում դեպի այն հիանալի յոթ օրեր:
GLOW … Այս բառն արդեն այնքա՜ն հարազատ է դարձել...
Սյունիքի մարզ, գյուղ Վաղատին
Դեռ նոր եմ վերադարձել Ստեփանավանի GLOW ամառային դպրոցից, որտեղ ստանձնել էի կրտսեր ջոկատավարի պարտականություններ, բայց նորից ցանկանում եմ վերադառնալ այնտեղ և վերապրել հուլիսյան այդ օրերը:
Ողջույն, ես Աննա Բալասանյանն եմ: Նախորդ տարի մասնակցելով GLOW ամառային դպրոցին՝ ստացա նորանոր գիտելիքներ և վերադարձա ուն այն շարունակելու մտքով և իրագործեցի իմ պլանները՝ կազմակերպելով դասընթացներ և ակտիվ մասնակցություն ունենալով իմ համայնքում հասարակական աշխատանքներին:
Շատ էի ցանկանում կրկին լինել GLOW-ում և վերջապես լսվեց հեռախոսի ձայնը, և ես իմացա, որ ընտրվել եմ որպես կրտսեր ջոկատավար: Ուրախությանս չափ չկար:
Այս ամառային ճամբարը յուրօրինակ փորձաշրջան ու դպրոց էր ինձ համար, որը ես կրկին անցա ու լավ տպավորություններով վերադարձա տուն և մինչ օրս պատմում եմ իմ ընտանիքի անդամներին, հարևաններին, ծանոթներին մեր հետաքրքիր առօրյայի մասին: Արդեն իսկ մտածում եմ մի փոքրիկ ճամբար կազմակերպել մեր համայնքում, իսկ հարևան մոտակա համայնքում՝ դասընթացներ, որի ժամանակ կիրականացվեն բոլոր մեր կազմակերպած խաղերն ու միջոցառումները:
Մեկ անգամ ևս շնորհակալություն բոլորին. և՛ կազմակերպիչներին, և՛ ջոկատավարներին, և՛ անձնակազմին, և՛ մասնակիցներին, որոնց հետ ես նոր ծանոթություններ հաստատեցի:
No comments:
Post a Comment