ՀԱՍԱԿԱԿՑԻ ԿՐԹՈՒԹՅՈՒՆ
Հասակակցի կրթության նպատակն է ամառային դպրոցի մասնակից
աղջիկների գիտելիքների և փորձի փոխանցումը իրենց հասակակիցներին: Իրենց քաղաքներում
ու գյուղերում աղջիկները կազմակերպում են սեմինարներ և միջոցառումներ:
Լիլիթ Գրիգորյան
Տավուշի մարզ, քաղաք Նոյեմբերյան
սեմինարներ Նոյեմբերյան քաղաքում
Լիլիթ Գրիգորյան և Անի Գուլքանյան
|
Ողջույն:Մենք GLOW ճամբարից վերադարձանք գիտելիքների մեծ պաշարով, որոնք օգտագործեցինք մեր համայնքում: Ձեռք բերած գիտելիքները մեր հասակակիցներին փոխանցելու համար կազմակերպեցինք սեմինար: Քննարկեցինք տարբեր թեմաներ: Ելնելով այն բանից, որ մեր համայնքում մարդկանց մեծամասնությունը տեղյակ չէ, թե ինչ է թրաֆիկինգը, անհրաժեշտ համարեցինք սեմինարի ընթացքում խոսել այդ մասին և տեսանյութ ցույց տալ: Մեր օրերում մարդիկ շատ են օգտագործում տարբեր ըմպելիքներ, ոչ ոգտակար սնունդ: Ուստի խոսեցինք նաև առողջ սննդի մասին: Սննդի հետ կապված, սեմինարի ընթացքում մասնակիցներին ներկայացրեցինք անորեքսիա և բուլեմիա հիվանդությունները, քանի որ համոզված էինք, որ նրանց մեծամասնությունը տեղյակ չէ դրանց մասին: Մեր հաջորդ թեման բնապահպանությունն էր: Այսօր բնապահպանությունը դարձել է գլոբ ալ խնդիր: Մենք քննարկեցին մեր համայնքներում առկա բնապահպանական խնդիրները՝ աղբահանության, բնության աղտոտման, անտառահատումների մասին: Սեմինարի վերջին թեման գենդերն էր: Գենդերի մասին խոսելը, կարծում ենք Հայաստանում անհրաժեշտություն է: Այդ նպատակով էլ այս թեման ընդգրկվեց մեր սեմինարի թեմաների մեջ: Նմանատիպ սեմինարներ նպատակ ունենք նորից անց կացնել, քանի որ մեր համայնքում դրա կարիքը կա:
**********************************************************************************
Նելլի Թումանյան
Լոռու մարզ, քաղաք Վանաձոր
**********************************************************************************
Արմավիրի մարզ, գյուղ Մայիսյան
Ես հաճախում եմ Մեծամորի Սրբ. Ղազար կրթադաստիարակչական կենտրոն, որտեղ հաճախում են տարբեր տարիքի երեխաներ: Կենտրոնում ես մասնակցում եմ Փալանչո տիկնիկային թատրոնին: Մեր խումբը բազմաթիվ ներկայացումներով հանդես է եկել հանրապետության տարբեր մարզերում, ինչպես նաև ՀՀ սահմաններից դուրս՝ Արցախում: Մենք բարեգործական ներկայացումներով հանդես ենք եկել բազմաթիվ մանկատներում, գիշերօթիկ դպրոցներում և ծերանոցներում: Հենց այդ կենտրոնում էլ տեղեկացա GLOW ամառային դպրոցի մասին և ցանկություն հայտնեցի մասնակցել: Այս ճամբարը փոխեց իմ կյանքը: Այստեղ ես սովորեցի վստահել ինքս ինձ, իմ ուժերին: Վերադառնալով ես որոշեցի GLOW-ում ստացած իմ գիտելիքները փոխանցել իմ հասակակիցներին՝ կազմակերպելով GLOW սեմինարներ:
No comments:
Post a Comment